ގްރީންހައުސް ގޭސް ރިޕޯޓިން ޑޭޓާ އެއްކުރުން ހަރުދަނާކުރުމަށް އެއްބަސްވެއްޖެ އެވެ.
އިއްޔެ މި އެއްބަސްވުން އެކުލަވާލާފައިވަނީ އެންވާރަމެންޓް މިނިސްޓްރީ، މޯލްޑިވްސް ބިއުރޯ އޮފް ސްޓެޓިސްޓިކްސް އަދި ޔުޓިލިޓީ ރެގިއުލޭޓަރީ އޮތޯރިޓީއާއި ދެމެދު އެވެ.
މި އެއްބަސްވުމުގެ މަގްސަދަކީ ރާއްޖޭގައި އެނަރޖީއާ ގުޅޭ ޑޭޓާ އެއްކުރުމުގެ މަސައްކަތް އިތުރަށް ހަރުދަނާކޮށް، ޔުނައިޓެޑް ނޭޝަންސް ފްރޭމްވަރކް ކޮންވެންޝަން އޮން ކްލައިމެޓް ޗޭންޖް (ޔޫއެންއެފްސީސީސީ) އާއި ޕެރިސް އެގްރީމެންޓްގެ ދަށުން މޫސުމަށް އަންނަ ބަދަލުތަކާ ގުޅޭގޮތުން ހާމަކުރަންޖެހޭ މަޢުލޫމާތު ހާމަކުރުމުގައި ރާއްޖެއިން އަދާކުރަންޖެހޭ ޒިންމާތައް އަދާކުރުމަށް އެހީތެރިވެދިނުމެވެ.
މި އެމްއޯޔޫގައި ސޮއިކޮށްފައިވަނީ ކެޕޭސިޓީ ސްޓްރެންތެނިންގ ފޯ އިމްޕްރޫވްޑް ޓްރާންސްޕޭރަންސީ އޮފް ކްލައިމެޓް ޗޭންޖް މިޓިގޭޝަން އެންޑް އެޑަޕްޓޭޝަން އެކްޝަންސް އިން ދަ މޯލްޑިވްސް (ސީބީއައިޓީ މޯލްޑިވްސް) ޕްރޮޖެކްޓްގެ ދަށުން ނެވެ. މި މަޝްރޫޢަށް ފަންޑު ހަމަޖައްސައިދެނީ ގްލޯބަލް އެންވަޔަރަންމަންޓް ފެސިލިޓީ (ޖީއީއެފް) އިން ކަމަށާއި، މަޝްރޫޢު ތަންފީޒުކުރުމުގައި ޔުނައިޓެޑް ނޭޝަންސް އެންވަޔަރަންމަންޓް ޕްރޮގްރާމް (ޔޫއެން އެންވަޔަރަންމަންޓް) އިން އެހީތެރިކަން ފޯރުކޮށްދޭކަމަށް މިނިސްޓްރީން ބުނެފައި ވެއެވެ.
އެމްސީސީއީއީ އާއި ޔޫއާރުއޭގެ ފަރާތުން މި އެމްއޯޔޫގައި ސޮއިކުރެއްވީ މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ތާރިޤު އިބްރާހީމެވެ. އަދި އެމްބީއެސްގެ ފަރާތުން ސޮއިކުރެއްވީ މިނިސްޓަރ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓް، ޑރ. ޢަލީ ޙައިދަރު އަޙްމަދެވެ.
މި އެއްބަސްވުމުގެ ސަބަބުން ރާއްޖޭގައި އެނަރޖީއާ ގުޅޭ ޑޭޓާ އެއްކުރުމުގެ މަސައްކަތް އިތުރަށް ހަރުދަނާވެ، މޫސުމަށް އަންނަ ބަދަލުތަކާ ގުޅޭގޮތުން ކުރިއަށް ގެންދޭބައިނަލްއަޤްވާމީ މުޖުތަމަޢުއަށް ހާމަކުރަންޖެހޭ މަޢުލޫމާތު އިތުރަށް ފުރިހަމަވެގެންދާނެ ކަމަށް އުއްމީދުކުރެވެއެވެ.
”މި އެއްބަސްވުމަކީ ރާއްޖޭގެ މޫސުމަށް އަންނަ ބަދަލުތަކާ ގުޅޭ މަސައްކަތްތައް އިތުރަށް ހަރުދަނާކުރުމަށް އެޅޭ މުހިންމު ފިޔަވަޅެއް. މިއާއެކު، އަޅުގަނޑުމެންނަށް ޖީއެޗްޖީ ރިޕޯޓިންގ އާ ގުޅޭ ޑޭޓާ އެއްކުރުމުގެ މަސައްކަތް އިތުރަށް ހަރުދަނާކޮށް، ބައިނަލްއަޤްވާމީ މުޖުތަމަޢުއަށް ހާމަކުރަންޖެހޭ މަޢުލޫމާތު އިތުރަށް ފުރިހަމަކުރެވޭނެ.“ މިނިސްޓަރ ތާރިޤް އިބްރާހީމް ވިދާޅުވި އެވެ.
މީގެ އިތުރަށް ވިދާޅުވީ މޫސުމަށް އަންނަ ބަދަލުތަކާ ގުޅޭ ފިޔަވަޅުތައް އެޅުމަށް ރަނގަޅު މަޢުލޫމާތު ބޭނުންވާކަމަށެވެ. އަދި މި އެމް.އޯ.ޔޫ އަކީ ޕެރިސް އެއްބަސްވުމުގެ އެންހޭންސްޑް ޓްރާންސްޕޭރަންސީ ފްރޭމްވަރކާ އެއްގޮތަށް ހާމަކަން ބޮޑު އަދި ޖަވާބުދާރީވާންޖެހޭ ރިޕޯޓިންގ އޮނިގަނޑެއް އެކުލަވާލުމަށް އެޅޭ މުހިންމު ފިޔަވަޅެއް ކަމުގައި ވިދާޅުވި އެވެ.
”މި އެއްބަސްވުމުގެ ސަބަބުން އެމްބީއެސްއަށް ލިބޭ މަޢުލޫމާތުގެ ފުރިހަމަކަން އިތުރުވެ، ރާއްޖޭގެ ތަފާސްހިސާބުތައް އިތުރަށް ފުރިހަމަވެގެންދާނެ. މިއީ ރާއްޖޭގެ ތަރައްޤީއަށް ވަރަށް މުހިންމު ކަމެއް.“ ޑރ. ޢަލީ ޙައިދަރު އަޙްމަދު ވިދާޅުވި އެވެ.
މި އެއްބަސްވުމުގެ ދަށުން ތިން އިދާރާގެ މެދުގައި މައުލޫމާތު ބަދަލުކުރުމާއި، ޑޭޓާ އެއްކުރުމުގެ މަސައްކަތްތައް ވިލަރެސްކުރުން ހަރުދަނާވެގެންދާނެ ކަމަށް ބެލެވެއެވެ. އަދި މިކަމުގެ ސަބަބުން ރާއްޖޭގެ އެނަރޖީ ސެކްޓަރާ ގުޅޭ ތަފާސްހިސާބުތަކުގެ ފުރިހަމަކަން އިތުރުވެ، މޫސުމަށް އަންނަ ބަދަލުތަކާ ގުޅޭ ސިޔާސަތުތައް އެކުލަވާލުމަށް ބޭނުންވާ މައުލޫމާތު އިތުރަށް ފުރިހަމަވެގެންދާނެ ކަމަށްވެސް ލަފާކުރެވެއެވެ.
މި އެމް.އޯ.ޔޫގެ ދަށުން، އެމް.ސީ.ސީ.އީ.އީ، އެމް.ބީ.އެސް، އަދި ޔޫ.އާރް.އޭ އިން މިހާރު އެމް.ބީ.އެސް އިން ކުރިއަށްގެންދާ ފަތުރުވެރިކަމުގެ ތަފާސްހިސާބުގެ ސަރވޭ ހަރުދަނާކޮށް، ރާއްޖޭގެ ރިސޯޓުތަކުގެ ހަކަތައިގެ މުހިންމު މަޢުލޫމާތު ހިމެނުމަށް މަސައްކަތްކުރާނެއެވެ. މިނިސްޓްރީން ފަތުރުވެރިކަމުގެ ތަފާސްހިސާބުގެ ސަރވޭ ފޯމު އަޕްޑޭޓްކުރުމަށް ޓެކްނިކަލް އެހީތެރިކަން ފޯރުކޮށްދީ، އަޕްޑޭޓްކުރެވޭ ސަރވޭ ތަންފީޒުކުރުމަށް އެހީތެރިވެދޭނެއެވެ. މި އިސްލާހުގެ ސަބަބުން މަޢުލޫމާތު އެއްކުރުމުގެ މަސައްކަތް ހަރުދަނާވެ، ތަކުރާރުވުން މަދުވެ، އަދި ގްރީންހައުސް ގޭސް އިންވެންޓްރީ އާއި ހަކަތައިގެ ދާއިރާގައި ސިޔާސަތުތައް އެކުލަވާލުމަށް ބޭނުންވާ ސައްހަ މަޢުލޫމާތު އެއްކުރެވޭނެކަން .
މި އެމް.އޯ.ޔޫ އަކީ ރާއްޖޭގެ މޫސުމަށް އަންނަ ބަދަލުތަކާ ގުޅޭ މަސައްކަތްތަކަށް މުހިންމު ފިޔަވަޅެއް ކަމަށް ބެލެވެއެވެ. މީގެ ސަބަބުން ރާއްޖޭގެ ފަތުރުވެރިކަމުގެ ސިނާއަތުގެ ހަކަތައިގެ ބޭނުންކުރުމާ ގުޅޭ މަޢުލޫމާތު އެއްކުރުމުގެ މަސައްކަތް ހަރުދަނާވެ، މޫސުމަށް އަންނަ ބަދަލުތަކާ ގުޅޭ ސިޔާސަތުތައް އެކުލަވާލުމަށް ބޭނުންވާ މުހިންމު މަޢުލޫމާތު ލިބޭނެ މަގު ފަހިވެގެންދާނެ އެވެ.
ހައުސިން މިނިސްޓަރު ޑރ. އަލީ ހައިދަރު އަހުމަދު ހައުސިން މިނިސްޓްރީ މިނިސްޓަރ ޠާރިޤު އިބްރާހީމް މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ
