ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް، ކުޅުދުއްފުށީ ސިޓީއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު މާލެ ވަޑައިގަންނަވައިފި އެވެ.
ރައީސުލްޖުމްހޫރިއްޔާގެ ނައިބުގެ މި ދަތުރުފުޅުގައި އެމަނިކުފާނު ވަނީ ”ހަށިހެޔޮ ރާއްޖެ“ މި ޕްރޮގްރާމް އިފްތިތާޙުކޮށްދެއްވާފަ އެވެ. ”ހަށިހެޔޮ ރާއްޖެ“ އަކީ ސްޕޯޓްސް ކައުންސިލަރސް އަދި ޔޫތް އެސޯސިއޭޓުން ތަމްރީނުކުރުމަށް މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަނުން އިސްނަގަވައިގެން ކުރިއަށްގެންދާ ހަރަކާތެކެވެ.
މިގޮތުން މި އިފްތިތާޙުކުރެއްވި ޕްރޮގްރާމަކީވެސް މި ސަރުކާރުގެ ހަފުތާ 14ގެ ވައުދުތަކުގައި ހިމެނޭ، މޮޅެތި އެތުލީޓުން އުފެއްދުމާބެހޭ ދިގު ރާސްތާގެ ޕްރޮގްރާމް ފަރުމާކުރުމުގެ ސިޔާސަތުގެ ތެރެގައި ހިމެނޭ ކަމެކެވެ. އަދި މިކަމަކީ މީހުން ބިނާކުރުމާއި ތަމްރީނުކުރުމަކީ ޤައުމުގެ ކުރިމަގު އުޖާލާކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ހަރުދަނާ ސިޔާސަތުތަކުގެ ތެރޭގައިވެސް ހިމެނޭ ކަމެކެވެ.
”ހަށިހެޔޮ ރާއްޖެ“ އިފްތިތާޙުކުރުމުގެ ރަސްމިއްޔާތުގައި ވާހަކަފުޅުދައްކަވަމުން ރައީސުލްޖުމްހޫރިއްޔާގެ ނައިބު ވިދާޅުވީ ރައްޔިތުން ދުޅަހެޔޮ ޞިއްޙަތެއްގައި ދިރިއުޅުން ވޭތުކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަރަށްވެސް އިސްކަމެއްދެއްވާ ކަމެއްކަމަށާއި، މިއަދު ފުރިހަމަވެގެން މިދިޔައީ އެމަނިކުފާނުގެ ވައުދުފުޅެއްކަމުގަ އެވެ. އަދި އާބާދީގެ ނިސްބަތުން އެރަށަކަށްބޭނުންވާ ކުޅިވަރުގެ ވަސީލަތްތައް ގާއިމުކޮށްދީ، ރައްޔިތުންނާހަމައަށް އެ ޚިދުމަތްތައް، ރައީސުލްޖުމްހޫރިއްޔާގެ ވައުދުފުޅާ އެއްގޮތަށް ފޯރުކޮށްދިނުމަށް ކަމާގުޅުން ހުރި ވުޒާރާތަކުން މަސައްކަތް ކުރައްވާނެކަމުގައިވެސް އެމަނިކުފާނު ވިދާޅުވި އެވެ.
ރައީސުލްޖުމްހޫރިއްޔާގެ ނައިބު ވާހަކަފުޅު ނިންމަވާލައްވަމުން، މިއަދު އިފްތިތާހުކުރެއްވި ޕްރޮގްރާމުން ލިބުނު ތަމްރީނުގެ ބޭނުން ހެޔޮގޮތުގައި ހިފައި، ޕްރޮގްރާމުން ލިބުނު މަޢުލޫމާތު ރައްޔިތުންނަށް އެންމެ ފުރިހަމަ ގޮތުގައި ފޯރުކޮށްދީ މި ޕްރޮގްރާމުން ތަމްރީނުވި ސްޕޯޓްސް ކައުންސިލަރުންނާއި އަދި ޔޫތު އެސޯސިއޭޓުން، ކުރަންޖެހޭ މަސައްކަތް ފުރިހަމަ ގޮތުގައި ކޮށްދޭނެ ކަމަށް ޔާޤީން ކުރައްވާ ކަމުގައި ވިދާޅުވިއެ ވެ. އަދި މި ޕްރޮގްރާމަކީ މުޅި ރާއްޖެއަށް ފެތުރިގެން ދާނެ ޕްރޮގްރާމެއް ކަމަށާއި، މިއަދު ކުޅުއްދުއްފުށީގައި މި ކުރިއަށްދިޔައީ ފެށުމެއްކަމުގައިވެސް އެމަނިކުފާނު ފާހަގަކުރެއްވި އެވެ.
ރައީސުލްޖުމްހޫރިއްޔާގެ ނައިބު އަލްއުސްތާޛު ހުސައިން މުހައްމަދު ލަތީފް މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަން
