ރާއްޖޭގައި މަސްވެރިން ބާނާ މަސް ކިރުވުމަށްފަހު އެ މަސް ރައްކާކުރުމުގެ ގާބިލުކަން މިހާރު ހުރި 8،500 ޓަނު 25،000 ޓަނަށް އިތުރުވާނެ ކަަމަށް ފިޝަރީޒް މިނިސްޓަރ އަހުމަދު ޝިޔާމް ވިދާޅުވެއްޖެ އެވެ.

މިނިސްޓަރ މިހެން ވިދާޅުވީ، މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ނެވެ.

މިނިސްޓަރ ވިދާޅުވީ ސަރުކާރުން އަމާޒު ހިފާފައިވަނީ ރާއްޖޭގެ ހުރިހާ ސަރަހައްދެއްގައި މަސް ރައްކާކުރެވޭނެ އިންތިޒާމުތައް ގާއިމުކުރުމަށް ކަމަށެވެ. އަދި ދެކުނާއި މެދުރާއްޖެ ތެރެއާއި އުތުރުގައި މަސް ރައްކާކުރެވޭނެ ނިޒާމުތައް ގާއިމުކުރުމަށް ސަރުކާރުން މަސައްކަތް ފަށާފައިވާ ކަމަށެވެ. އެގޮތުން، ޅ. ފެލިވަރުގައި 750 ޓަނު އަދި ކޫއްޑޫގައި 2،000 ޓަނު އަދި ސ. ހުޅުމީދޫގައި 1،500 ޓަނު ރައްކާކުރެވޭ ކަމަށެވެ. ދެން ބޯޓުފަހަރުގައި ހުރި ކެޕޭސިޓީއާއެކު ޖުމްލަ މުޅި ރާއްޖޭގައި މަސް ރައްކާކުރުމުގެ ކެޕޭސިޓީގެ ގޮތުގައި ހުުރީ 8،500 އެއްހައި ޓަނުގެ މަސް ރައްކާކުރުމުގެ ގާބިލުކަން ކަމަށް މިނިސްޓަރ ވިދާޅުވި އެވެ.

”މަސް ގަންނަ ބޯޓުފަހަރުގެ ކެޕޭސިޓީއާއެކު މިހުރީ ގާތްގަނޑަކަށް 8،500 ޓަނުގެ މަސް ރައްކާކުރުމުގެ ކެޕޭސިޓީ. ވިސްނަވާ ބޮޑު އަދަދެއް މިހިރީ އެއްގަމަކުވެސް ނޫން މި ސްޓޮރޭޖުތަކެއް، ސްޓޮރޭޖަށް އެއްވެސް ސަރުކާރަކުން އަހަންމިއްޔަތުކަމެއް ނުދޭކަން މި އަދަދުތަކުން އެނގޭ،“

ދެކުނުގައި ގާއިމްކުރާ މަސް ރައްކަކުރާ ފެސިލިޓީތައް:

މަސްވެރިކަން މިނިސްޓަރު އަހްމަދު ޝިޔާމް މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް