މޯލްޑިވްސް ކޮލިފިކޭޝަންސް އޮތޯރިޓީ (އެމްކިޔުއޭ) އިން މިހާތަނަށް 6،830 ޕްރޮގްރާމް އޮޑިޓް ފުރިހަމަކޮށްފި އެވެ.
މިއީ އެމްކިޔުއޭ އަށް ހުށަހެޅިފައިވާ 10،000 ފޯމުގެ ތެރެއިން ފުރިހަމަކޮށްފައިވާ އަދަދެވެ.
މަތީ ތައުލީމާއި ބެހޭ ވުޒާރާއިން މަޢުލޫމާތު ދެއްވާފައިވާ ގޮތުގައި، މި ޕްރޮގްރާމް އޮޑިޓްގެ މައިގަނޑު މަޤްޞަދަކީ ރާއްޖޭގައި ކުރިއަށްގެންދާ މަތީ ތަޢުލީމާއި ތަމްރީން ޕްރޮގްރާމްތަކުގެ ފެންވަރު ކަށަވަރުކުރުމެވެ. މި މަސައްކަތުގެ ތެރޭގައި ރާއްޖޭގެ މަތީ ތައުލީމާއި ތަމްރީނު ފޯރުކޮށްދޭ މަރުކަޒުތައް ބަލައި ޗެކްކުރުމާއި، އެ މަރުކަޒުތަކުން ހިންގާ ކޯސްތަކާއި ޕްރޮގްރާމްތަކުގެ ފެންވަރު ކަނޑައެޅުން ހިމެނެ އެވެ.
އެމްކިޔުއޭ އިން މިހާރު ދަނީ މި ޕްރޮގްރާމްތައް ކުރިއަށްގެންދަނީ ގަވާއިދާއި ގާނޫނާއި ހަމަތަކާ އެއްގޮތަށްތޯ ބަލައި ކަށަވަރުކުރުމުގެ މަސައްކަތް ކުރަމުންނެވެ. މި މަސައްކަތަކީ ދިވެހި ސަރުކާރުގެ އަމާޒު ހާސިލުކުރުމަށް ކުރެވޭ މުހިންމު މަސައްކަތެކެވެ.
ދިވެހި ސަރުކާރުގެ އަމާޒަކީ ރާއްޖޭގެ އެކި ކަންކޮޅުތަކުން ފެންވަރު ރަނގަޅު މަތީ ތަޢުލީމު ހާސިލުކުރުމުގެ ފުރުސަތުތައް ފަހިކޮށްދިނުމާއި، ރާއްޖެއަށް ބޭނުންވާ އެކި ދާއިރާތަކުގައި މަސައްކަތްކުރާނެ ހަރުދަނާ ޒުވާނުން ބިނާކުރުމެވެ. މި އަމާޒަށް ވާސިލްވުމަށްޓަކައި، އެމްކިޔުއޭ އިން ޕްރޮގްރާމް އޮޑިޓްގެ އިތުރުން ރިކޮގްނިޝަން އަދި ވެލިޑޭޝަން ފަދަ އެތައް މަސައްކަތްތަކެއް ކުރިއަށްގެންދަމުން ދާކަން ފާހަގަކުރެވެއެވެ.
މި މަސައްކަތްތަކުގެ ސަބަބުން ރާއްޖޭގެ މަތީ ތަޢުލީމުގެ ފެންވަރު މަތިވެ، ދަރިވަރުންނަށް ފެންވަރު ރަނގަޅު ތަޢުލީމެއް ލިބިގެންދާނެކަމަށް އުންމީދުކުރެވެ އެވެ.
މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ)
