ގުތުރަތީ ވަސީލަތްތައް ރައްކާތެރި ކުރުމަކީ ހަމައެކަނި އިހުތިޔާރެއް ނޫންކަމަށް ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެ އެވެ.
މިނިސްޓަރު ފައިސަލް މިހެން ވިދާޅުވީ ލަންޑަނުގައި ކުރިއަށްދާ ވޯލްޑް ޓްރެވެލް މާކެޓުގައި ބައިވެރިވެވަޑައިގެންނެވުމަށް ކުރައްވާ ދަތުރުފުޅުގެ ސައިޑްލައިންގެ ތެރެއިން ސަސްޓެއިނަބަލް އެންޑް ރިޖެނެރޭޓިވް ޓޫރިޒަމްއާ ގުޅޭ ގޮތުން ކޮމޮންވެލްތުން އިއްޔެ ބޭއްވި ބައްދަލުވުމުގައި ބައިވެރިވެވަޑައިގެން ވާހަކަދައްކަވަމުންނެވެ.
މިނިސްޓަރު ވަނީ ތިމާވެށި ހިމާޔަތް ކުރުމަށް އަވަސް ފިޔަވަޅުތަކެއް އެޅުމަށް ގޮވާލައްވާފަ އެވެ.
އަޅުގަނޑުމެންގެ ގުދުރަތީ ވަސީލަތްތައް ރައްކާތެރިކުރުމަކީ ހަމައެކަނި އިހުތިޔާރެއް ނޫން؛ އެއީ އަންނަން އޮތް ޖީލުތަކަށް ކޮންމެހެން ކުރަންޖެހޭ ކަމެއް.
މި ބައްދަލުވުމަށް ފަހު އެކްސްގައި މިނިސްޓަރު ކުރެއްވި ޕޯސްޓެއްގައި ވިދާޅުވެފައިވަނީ މި ބައްދަލުވުމުގައި ރާއްޖެ ތަމްސީލް ކުރުމަކީ ފަހުރުވެރިވާކަމެއް ކަމަށެވެ. އަދި އެންމެން އެކުގައި ތިމާވެށި ރައްކާތެރިކޮށް، މުޖުތަމައުތައް ކުރިއެރުވުމަށް މަގުފަހިކުރާ އާދަތަކާއެކު، ފަތުރުވެރިކަމުގެ މާނަ އަލުން ކަނޑައެޅިދާނެކަމަށް މިނިސްޓަރު ފައިސަލް ވިދާޅުވި އެވެ.
މިނިސްޓްރީ އޮފް ޓޫރިޒަމް ޓުއަރިޒަމް މިނިސްޓަރު އިބްރާހީމް ފައިސަލް
