މަޖީދީމަގުގައި ހުންނަ ޒިއޯންމޮބައިލްސް 4 ފިހާރައިގެ ބިއްލޫރިގަނޑު ތަޅާލައިގެން ވައްކަން ކޮށްފި އެވެ.
ފުލުހުން މިއަދު މީޑިއާތަަކަށް ފޮނުވި މެސެޖެއްގައި ބުނެފައި ވަނީ، އެ ފިހާރައިން ވައްކަންކޮށްފައިވާ މައްސަލަ މިއަދު 5:35 ހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.
މި މައްސަލައާ ގުޅިގެން މިހާރު 47 އަހަރުގެ ދިވެހި ފިރިހެނަކު ހައްޔަރުކޮށްފައިވާކަމަށް ފުލުހުން ބުނެ އެވެ.
ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަ ގޮތުގައި، އެކަކު ފިހާރަ ބިއްލޫރިގަނޑު ތަޅާލާފައި ދިއުމުން އެހެން މީހަކު އެތަނަށް ވަދެ، ވަތްގަނޑު ހާވައި ޑިސްޕްލޭގައި އަތުރާފަ ހުރި ފޯނުތަކާއި އެހެނިހެން ތަކެތި ވަގަށް ނަގާ މަންޒަރު އެވެ.
ފުލުހުން މިކަމައި ގުޅޭ އިތުރު މައުލޫމާތެއް ހިއްސާ ކޮށްފައެއްނުވެ އެވެ. އެހެންނަމަވެސް ފުލުހުން ގެންދަނީ މި މައްސަލަ އިތުރަށް ތަހުގީގު ކުރަމުންނެވެ.
