މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ގެ ކޯސްޓްގާޑް ސްޕެޝަލް ބޯޓް ސްކޮޑްރޮން މިއަދު އިފްތިތާހުކޮށްފި އެވެ.
ދިވެހިރާއްޖޭގެ މެރިޓައިމް އެލިޓް ޔުނިޓްކަމަށްވާ ކޯސްޓްގާޑް ސްޕެޝަލް ބޯޓް ސްކޮޑްރޮން އިފްތިތާހުކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ ޑރ. މުހައްމަދު މުއިއްޒު އެވެ.
ނަސްރުގެ ދުވަހުގެ މުނާސަބަތުގައި މިއަދު ހަވީރު ޖުމްހޫރީ މައިދާނުގައި ބޭއްވި ސިފައިންގެ އަސްކަރީ ހުށަހެޅުމުގެ ތެރެއިން ކޯސްޓްގާޑް ސްޕެޝަލް ބޯޓް ސްކޮޑްރޮންގެ ފުރަތަމަ ކޯހުން ފާސްވި ސިފައިންނާއި ސްޕެޝަލް ފޯސްގެ ފަސްވަނަ ކޯހުން ފާސްވި ސިފައިންނަށް މަގާމުގެ ކުރިއެރުމާއި ފްލޭޝް ހަވާލުކޮށްދީފައިވަނީ އެ ސިފައިންގެ އާއިލާތަކުންނެވެ.
ސްޕެޝަލް ފޯސްގެ މެރޫން ބެރޭ އާއި ކޯސްޓްގާޑް ސްޕެޝަލް ބޯޓް ސްކޮޑްރޮންގެ ބްލޫ ބެރޭ އެ ސިފައިންނާ ހަވާލުކޮށްދެއްވީ ރައީސް މުއިއްޒެވެ. އަދި އަލަށް އުފެދިގެން ދިޔަ ކޯސްޓްގާޑް ސްޕެޝަލް ބޯޓް ސްކޮޑްރޮންގެ ޕެނެޓް އެ ސްކޮޑްރޮންއާ ހަވާލުކޮށްދެއްވާފައިވަނީވެސް ރައީސް މުއިއްޒެވެ.ކޯސްޓްގާޑް ސްޕެޝަލް ބޯޓް ސްކޮޑްރޮންގެ ފަރާތުން މި ޕެނެޓާ ހަވާލުވެލެއްވީ އެ ސްކޮޑްރޮންގެ ކޮމާންޑިން އޮފިސަ ލެފްޓިނެންޓް ކާނަލް އަލީ ނިޔާޒް އަބްދުލް މަޖީދް އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކޯސްޓް ގާޑް އެމްއެންޑީއެފް މިނިސްޓްރީ އޮފް ޑިފެންސް
