ކުރީގެ ރައީސް މައުމޫން އަބްދުލްގައްޔޫމް، ނަސްރުގެ ދުވަހުގެ ތަހުނިޔާ ރައްޔިތުންނަށް ފޮނުއްވައިފި އެވެ.

އެމަނިކުފާނު ނަސްރުގެ ދުވަހުގެ ތަހުނިޔާ ރައްޔިތުންނަށް ފޮނުއްވީ އެކްސްގައި މިއަދު ކުރެއްވި ޕޯސްޓެއްގަ އެވެ.

ދިވެހިރާއްޖޭގެ ފަޚުރުވެރި ނަޞްރުގެދުވަހުގެ އިޚްލާޞްތެރި ތަހުނިޔާއާއި ހެޔޮއެދުންތައް ރާއްޖޭގެ އެންމެހާ ލޮބުވެތިރައްޔިތުންނަށް ފޮނުވަން.

މީގެ އިތުރުން ރައީސް މައުމޫން ވަނީ ދިވެހިރާއްޖޭގެ ނަސްރާއި ނަސީބު އަބަދަށްޓަކައި ދެމެހެއްޓުމަށް އެދި ދުއާ ކުރައްވާފަ އެވެ.

ރާއްޖޭގައި ނޮވެމްބަރު 3 ވަނަ ދުވަހު ނަސްރުގެ ދުވަސް ފާހަގަ ކުރަން ފެށީ ގައުމަށް ގައްދާރުވި ދިވެހިންތަކެއް ތަމަޅަ ޓައިގަރުންނާ ގުޅިގެން ރާއްޖޭގެ ވެރިކަން ހޯދުމަށް ރާއްޖެ އައިސް ކުރި ހަނގުރާމައަށްފަހު ރާއްޖެއަށް ލިބުނު ކާމިޔާބު ފާހަގަ ކުރުމުގެ ގޮތުންނެވެ. އެ ދުވަހު ރާއްޖޭގެ ވެރިކަމުގައި ހުންނެވީ ރައީސް މައުމޫނެވެ.

ނޮވެމްބަރު 3، 1988 ގައި 19 ދިވެހިން ޝަހީދުވި އިރު އޭގެ ތެރޭގައި 8 ސިފައިންވެސް ހިމެނެ އެވެ.

ނަސްރުގެ ދުވަސް ރައީސް މައުމޫން އަބްދުލްގައްޔޫމް