ރައީސް ޑރ. މުހައްމަދު މުއިއްޒު، މިއަދު ރާއްޖޭގައި ފާހަގަކުރަމުންދާ ނަސްރުގެ ދުވަހުގެ ތަހުނިޔާ އަރިސްކުރައްވައިފި އެވެ.
އެކްސް މެދުވެރިކުރައްވައިގެން މިއަދު ފޮނުވި މެސެޖެއްގައި ރައީސް، މި ދުވަހުގެ ތަހުނިޔާ އަރިސް ކުރެއްވީ ޅެންބައިތެއް ބޭނުންކުރައްވައިގެން ނެވެ.
އެ މެސެޖްގައި ވަނީ ގައުމުގެ ދިފާއުގައި ލެއިން ގުރުބާންވި ފަރާތްތަކުގެ ހަނދާތައް އައުކުރަންޖެހޭކަމަށް ވިދާޅުވެފަ އެވެ. ދިވެހި އުއްމަތުގެ ހައްޤުގައްޔާއި ދިވެހި ދިދަ ހިމާޔަތް ކުރުމަށް ދިވެހިން އަތުގުޅާލާ ނިކުތްކަން ފާހަގަކުރައްވާފައި ވެއެވެ.
ޝަހީދުންނަށް ދިވެހިން ޝުކުރުވެރިވާ ކަމަށާއި، އެފަރާތްތަކުގެ ޒިކުރާ ދިވެހިން އައު ކުރަން ޖެހޭ ކަމަށް ރައީސުލްޖުމްހޫރިއްޔާ ވިދާޅުވެފައި ވެއެވެ.
މިއަދު ރާއްޖޭގައި ފާހަގަކުރަމުން މިދަނީ 36 ވަނަ ނަސްރުގެ ދުވަހެވެ.
ނަޞްރުގެ ދުވަސް ރާއްޖޭގައި ފާހަގަކުރަނީ 1988 ވަނަ އަހަރުގެ ނޮވެންބަރުމަހުގެ 3 ވަނަ ދުވަހު ދިވެހި 6 ޚާއިނުން ބޭރުގެ ނިރުބަވެރި ޖަމާޢަތަކާ ގުޅިގެން ރާއްޖޭގެ މައްޗަށް އަތްގަދަ ކުރުމަށް ދިން ޢުދުވާނީ ޙަމަލާއިން ދިވެހިންނަށް ނަޞްރު ލިބުން ފާހަގަ ކުރުމަށެވެ.
ނަޞްރުގެ ދުވަސް ރައީސުލްޖުމްހޫރިއްޔާ ޑރ. މުހައްމަދު މުއިއްޒު
