ނަޞްރުގެ ދުވަސް ފާހަގަކުރުމަށް މޯލްޑިވްސް ނެޝަނަލް ޑިފެންސް ފޯސް، އެމްއެންޑީއެފުން ބާއްވާ މިލިޓަރީ ޑިސްޕްލޭ މިއަދު ހަވީރު އޮންނާނެކަމަށް އެމްއެންޑީއެފުން ބުނެފި އެވެ.
މިލިޓަރީ ޑިސްޕްލޭ އޮންނާނީ މިއަދު ހަވީރު 16:15 ގައި ޖުމްހޫރީ މައިދާނުގަ އެވެ.
މި މިލިޓަރީ ޑިސްޕްލޭގައި އެމްއެންޑީއެފުން ގެންގުޅޭ އެކި އުޅަނދުތަކާއި ބަޑިތައް ދައްކާލާނެ އެވެ.
ނަޞްރުގެ ދުވަހުގެ ރަސްމީ ހަރަކާތްތައް މިއަދު ފެށީ ސިފައިން އެއް ޖަމާޢަތެއްގައި ކުރި ފަތިސް ނަމާދުންނެވެ.
ނަޞްރުގެ ދުވަސް ފާހަގަކުރަމުން އަންނައިރު 3 ނޮވެމްބަރުގެ ޢުދުވާނީ ޙަމަލާއަކީ ފަހުގެ ތާރީޚުގައި ރާއްޖޭގެ މިނިވަން ކަމަށް ލޮޅުން އަރުވާލި އެންމެ ނުރައްކާތެރި ހާދިސާ އެވެ.
