ބިޒްނަސް ސެންޓަރ ކޯޕަރޭޝަން (ބީސީސީ) އިން ރާއްޖޭގެ އިޤްތިޞާދީ ޕްރޮފައިލެއް އެކުލަވާލުމުގެ މަސައްކަތް ފަށައިފި އެވެ.
”ދިވެހިރާއްޖޭގެ އިޤްތިޞާދީ ފުރަމަލަ 2025“ ގެ ނަމުގައި މިއަދު އިފްތިތާޙުކުރެވުނު މި މަޝްރޫޢުގެ މައިގަނޑު މަޤްޞަދަކީ ރާއްޖޭގެ އިޤްތިޞާދީ ޙާލަތު ދެނެގަތުމާއި، ކުރިމަގުގައި އިޤްތިޞާދު ކުރިއެރުވުމަށް ބޭނުންވާ މަޢުލޫމާތު އެއްކޮށް ދިރާސާކުރުމެވެ.
މި ފުރަމަލަ އިފްތިތާޙް ކޮށްދެއްވަމުން އިކޮނަމިކް މިނިސްޓަރ މުޙައްމަދު ސަޢީދު ވިދާޅުވީ، މި މަޝްރޫޢުގެ ދަށުން ވިޔަފާރިތަކާއި އިޤްތިޞާދީ ޚިދުމަތްތައް ރޭވުމަށާއި، ކުދި ވިޔަފާރިތަކަށް އެހީތެރިވުމަށް މަސައްކަތްކުރާނެ ކަމަށެވެ.
ޤައުމީ އަދި ސަރަޙައްދީ ފެންވަރުގައި ނިންމުންތައް ނިންމުމަށް ބޭނުންވާ މަޢުލޫމާތު ފޯރުކޮށްދިނުމަކީވެސް މި މަޝްރޫޢުގެ މުހިންމު އަމާޒެއް ކަމުގައި ވެސް މިނިސްޓަރ ވިދާޅުވި އެވެ.
”ދިވެހިރާއްޖޭގެ އިޤްތިޞާދީ ފުރަމަލަ 2025“ ގެ މަސައްކަތް ނިމި، ރިޕޯޓު ޢާންމުކުރެވޭނީ މިއަހަރުގެ ޑިސެމްބަރު މަހުގެ ނިޔަލަށް ކަމަށް ބީސީސީއިން ބުނެފައިވެ އެވެ.
ބިޒްނަސް ސެންޓާ ކޯޕަރޭޝަން (ބީސީސީ) އިކޮނޮމިކް މިނިސްޓަރު މުހައްމަދު ސައީދު
