ރާއްޖެ ބޮއިކޮޓް ކުރަން ގޮވާލި ބޮލީވުޑްގެ އެކްޓަރ އަކްޝޭ ކުމާރު އިއްޔެ ރާއްޖެ އަތުވެއްޖެ އެވެ.
އިންޑިއާގެ ބޮޑުވަޒީރު ނަރެންދުރަ މޯދީ ލަކްޝަދީބުގެ ފަތުރުވެރިކަން އިސްތިހާރުކުރުމުން އިންޑިއާއަށް ނިސްބަތްކޮށް އެކްސްގައި ޔޫތު މިނިސްޓްރީގެ ކުރީގެ ޑެޕިއުޓީ މިނިސްޓަރުންތަކެއް މަލާމާތް ކުރި މައްސަލައިގައި އަކްޝޭ ވަނީ ރާއްޖޭގެ ބަދަލުގައި އިންޑިއާގެ ރަށްތަކަށް ޒިޔާރަތްކުރުމަށް އިންޑިއާގެ ފަތުރުވެރިންނަށް ގޮވާލައިފަ އެވެ.
އެގޮތުން ވެލާނާ އިންޓަނޭޝަނަލް އެއާޕޯޓުގައި އިއްޔެ އޭނާ އާއެކު އެތަނުގެ މުވައްޒަފަކު ނަގާފައިވާ ފޮޓޯއެއް ދަނީ ސޯޝަލް މީޑިއާގައި ދައުރުވަމުންނެވެ.
އެހެންނަމަވެސް އަކްޝޭ ޗުއްޓީ ހޭދަ ކުރަނީ ކޮން ރިސޯޓެއްގައި ކަމެއް އެނގިފައިނުވެ އެވެ.
މީގެ ކުރިން އަކްޝޭ އެންމެ ފަހުން ޗުއްޓީ ހޭދަކޮށްލަން ރާއްޖެ އައީ 2024 ވަނަ އަހަރުގެ އާ އަހަރު ފާހަގަ ކުރުމަށެވެ. އޭގެ އިތުރުން 2022 ވަނަ އަހަރު ވެސް އޭނާ އާ އަހަރު ފާހަގަކުރީ ރާއްޖޭގަ އެވެ.
