ބޮލީވުޑްގެ މަޝްހޫރު ތަރިއެއް ކަމަށްވާ ސަލްމާން ޙާންގެ ކޮއްކޮ އަރްޕިތާ ޙާން އާއި އޭނާގެ ފިރިމީހާ އެކްޓަރ އަޔޫޝް ޝަރްމާ އެމީހުންގެ ދެކުދިން ގޮވައިގެން ޗުއްޓީ ހޭދަކޮށްލުމަށް ރާއްޖެ އަތުވެއްޖެ އެވެ.
އަޔޫޝް އޭނާގެ އޮފިޝަލް އިންސްޓަގުރާމުގައި ހިއްސާކޮށްފައިވާ ޕޯސްޓެއްގައި ބުނެފައި ވަނީ، އެމީހުން ރާއްޖޭގައި ޗުއްޓީ ހޭދަކުރަމުންދާ ކަމަށެވެ.
އަޔޫޝްގެ ޕޯސްޓުގައި ބުނެފައިވަނީ، ރާއްޖެ އަކީ ”ޕެރަޑައިޒެއް“ ކަމަށާއި، އާއިލާއާ އެކުގައި ވަރަށް އުފާވެރި ހިތްހަމަ ޖެހޭފަދަ ވަގުތުކޮޅެއް ރާއްޖޭގައި ހޭދަކުރަމުން ގެންދާ ކަމަށެވެ. އަދި ރާއްޖެއަކީ ގުދުރަތީ ގޮތުން ވަރަށް ފުރިހަމަ ކަމެއް ލިބިފައިވާ ގައުމެއް ކަމަށެވެ.
އެ މީހުން ޗުއްޓީ ހޭދަކުރަމުން ދަނީ ސޮނެވާ ސީކްރެކް ރިސޯޓުގަ އެވެ.
އަޔޫޝް އާއި އަރްޕިތާ މީގެ ކުރިން ވެސް އެކި ފަހަރު މަތިން ރާއްޖެ އަށް ޒިޔާރަތްކޮށްފައިވެ އެވެ.
