މަލޭގެ ފެނުގެ ނެޓްވޯކް އަޕްގްރޭޑިން މަސައްކަތްތަކެއް ކުރުމަށްޓަކައި، މިރޭ މެންދަމު ފެންކަނޑާލަނީ އެވެ.
މިކަން ހާމަކޮށްފައި ވަނީ އެމްޑަބްލިއުއެސްއީ އިން މިއަދު ނެރުނު ނޯޓިސްއެއްގަ އެވެ.
އެ ނޯޓިސްގައި ބުނެފައި ވަނީ، މަލޭގެ ފެނުގެ ނެޓްވޯކް އަޕްގްރޭޑިން މަސައްކަތްތަކެއް ކުރުމަށްޓަކައި، 02 ނޮވެންބަރު 2024 ވާ ހޮނިހިރު ދުވަހުގެ ރޭ މެންދަމު 12:00 އިން ހެނދުނު 08:00 އަށް ކާމިނީ މަގާއި، މާވެޔޮ މަގައި، ދެމެދުން މަޖީދީ މަގުގައި ހިމެނޭ ގޭބިސީތަކުން ފެނުގެ ހިދުމަތް މެދުކެނޑިގެން ދާނެ ކަމަށެވެ.
އެމްޑަބްލިއުއެސްއީ އިން ވަނީ މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް އެ ކުންފުނީގެ ފަރާތުން މާފަށް އެދިފަ އެވެ.
