ނަސްރުގެ ދުވަހާއި ގުޅިގެން ސިފައިންގެ ހާއްސަ މައުރަޒެއް ބާއްވަން ނިންމާފައިވާ ކަމަށް ގައުމީ ދިފާއީ ބާރުގެ ކޮމާންޑް ސާޖަންޓް މޭޖާ އަބްދުﷲ ސައީދު ވިދާޅުވެއްޖެ އެވެ.
ސައީދު މިހެން ވިދާޅުވެފައި ވަނީ، ދައުލަތުގެ މީޑިއާގެ ރާއްޖެ މިއަދު ޕްރޮގްރާމުގައި ވާހަކަ ދައްކަވަމުންނެވެ.
ސައީދު ވިދާޅުވީ، ނަސްރުގެ ދުވަސްހުގައި ހާއްސަ މައުރަޒެއް ބޭއްވުމަށް ހަމަޖެހިފައިވާ ކަމަށެވެ. މި މައުރަޒު ކުރިއަށްދާނީ މާދަމާއިން ފެށިގެން އަންނަ ހޮނިހިރު ދުވަހުގެ ނިޔަލަށްކަމަށާއި، މި މައުރަޒުން، ނޮވެމްބަރު 3 ގެ އުދުވާނީ ހަމަލާގައި ސިފައިން ބޭނުންކުރި ހަތިޔާރުތައް ދައްކައިލުމަށް ހަމަޖެހިފައިވާ ކަމަށެވެ.
’ނަސްރުގެ ދުވަހުގެ ސިފައިންގެ މައުރަޒު‘ ނަމުގައި ބޭއްވުމަށް ހަމަޖެހިފައި ވާ މައުރަޒުގެ ސަބަބުން، ނޮވެމްބަރު 3 ވަނަ ދުވަހު ރާއްޖެއަށް ކުރިމަތިވި ބިރުވެރިކަމާއި، އެ ދުވަހު، ފަސްޖެހުމެއް ނެތި ގައުމަށްޓަކައި މޭ އަށްޑަނައަކަށް ދިއްކޮށްލި އަބްތޯލުންގެ ޒިކުރާ އާވެގެންދާނެ ކަމަށް ސައީދު ވިދާޅުވި އެވެ.
މީގެ އިތުރުން، އެ މައުރަޒުން، ނޮވެމްބަރު 3 ގައި ސިފައިންނަށް ކުރިމަތިލާންޖެހުނު ކަންކަން ސިފަކޮށްދޭ މަންޒަރުތައް އަޑާއެކު ދައްކުވައިދޭނެ ކަމަށާއި، އެދުވަހު ބޭނުންކުރި އެކި އާލަތްތައްވެސް ދައްކުވައިދޭނެ ކަމަށްވެސް ސައީދު ވިދާޅުވި އެވެ.
