މާދަމާ ސަރުކާރު ބަންދު ނަމަވެސް ޕާސްޕޯޓްގެ ހިދުމަތް ލިބޭނެ ކަމަށް މޯލްޑިވްސް އިމިގްރޭޝަނުން ބުނެފި އެވެ.
އިމިގްރޭޝަަނުން މިކަން ހާމަކޮސްފައި ވަނީ، އެ އިދާރާ އިން އެކްސްގައި ކުރި ޕޯސްޓެއްގަ އެވެ.
އެ ޕޯސްޓުގައި ބުނެފައި ވަނީ، ސަރުކާރު ބަންދު ދުވަސްތައް ކަމަށްވާ ނޮވެމްބަރު މަހުގެ 3 އަދި 10 ވަނަ ދުވަހު، ޕާސްޕޯޓުގެ ހިދުމަތް ލިބޭނީ ހަމައެކަނި މާލެ އޮފީހުން އެކަނި ކަމަށެވެ.
އިމިގްރޭޝަނުން ބުނީ، އިމުގާ ޕޯޓަލް މެދުވެރިކޮށް ޕާސްޕޯޓަށް އެދެވޭނެ ކަމަށާއި، 65 އަހަރުން މަތީގެ ފަރާތްތަކަށް ހެނދުނު 8:30 އިން މެންދުރު 14:00 އާއި ހަމައަށް އިމިގްރޭޝަނަށް ހާޒިރުވެ އޮންލައިންކޮށް ޕާސްޕޯޓަށް އެދި ހުށަހެޅޭނެ ކަމަށެވެ.
ޕާސްޕޯޓާއި ހަވާލުވުމަށް ނަންބަރު ދޫކުރުމަށް ހަމަޖެހިފައިވަނީ ހެނދުނު 8:30 އިން މެންދުރު 14:00 އަށް ކަމަށާއި، ކިއުބީ އެޕްލިކޭޝަން މެދުވެރިކޮށް ނުވަތަ އިމިގްރޭޝަނަށް ހާޒިރުވެގެންވެސް ނަންބަރު ނެގޭނެ ކަމަށްވެސް އިމިގްރޭޝަނުން ބުނެފައިވެ އެެވެ.
