ދުންފަތުގެ ބާވަތްތައް ބޮންޑު ނުކުރެވޭ ގޮތަށް ގަވައިދު އިސްލާހުކޮށްފި އެވެ.
ކަސްޓަމްސްގެ ގަވައިދަށް އިއްޔެ ގެނައި ބަދަލާއެކު އިއްޔެއިން ފެށިގެން ބޮންޑެޑް ވެއާހައުސްތަކުގައި ދުންފަތުގެ ބާވަތްތައް ނުބެހެއްޓޭ ގޮތަށް ވަނީ ހަދާފަ އެވެ. މި ގަވައިދު މިހާރު ވަނީ ގެޒެޓުގައި ޝާއިރުކޮށްފަ އެވެ.
ކަސްޓަމްސް ގަވައިދުގައިވާ ގޮތުން ރާއްޖެއަށް އެތެރެކުރުމާއި އަދި ރާއްޖެއިން ބޭރުކުރުން ހުއްދަ ކޮންމެ އެއްޗެއް ބެހެއްޓުމަށް ވެސް ބޮންޑެޑް ވެއާހައުސްއެއް ރަޖިސްޓަރީ ކުރެވިދާނެ އެވެ. ނަމަވެސް މިފަދަ ވެއާހައުސްތަކުގެ ދުންފަތާއި އެއާ ގުޅުންހުރި ސާމާނު ނުބެހެއްޓޭނެކަމަށް ވަނީ ބުނެފަ އެވެ.
ބޮންޑެޑް ވެއާހައުސްތަކުގައި ނުބެހެއްޓޭ ތަކެތީގެ ތެރޭގައި ދުންފަތާއ،ި ދުންފަތުން ތައްޔާރުކޮށްފައި ހުންނަ ބާވަތްތަކާއ،ި ދުންފަތް އެކުލެވޭ ތަކެއްޗާއ،ި ދުންފަތުގެ ބަދަލުގައި ބޭނުންކުރާ ބާވަތްތަކާއި އިލެކްޓްރޯނިކް ސިނގިރޭޓާއ،ި ވޭޕްކުރުމަށް ބޭނުންކުރާ އާލާތްތަކާއި އެއާއެކު ބޭނުންކުރުމަށް ތައްޔާރުކޮށްފައިވާ އުފެއްދުންތަކާއި ނިކޮޓިން ނުވަތަ ނިކޮޓިން ފަދަ އެހެނިހެން ކެމިކަލް އެކުލެވޭ އެރޯސޮލް ބޭރުކޮށްދޭ ޓޮބޭކޯ ސްޓިކް ނުވަތަ އެ ނޫން ވެސް ދުންފަތުގެ އުފެއްދުންތައް ހިމެނެ އެވެ.
ސަރުކާރުން އިމްޕޯޓް އެކްސްޕޯޓް ގާނޫނަށް ގެނައި ބަދަލާއެކު މިއަދުން ފެށިގެން ސިނގިރޭޓާއި ބިޑިން ނަގާ ޓެކްސްވެސް ވަނީ ބޮޑުކޮށްފަ އެވެ. މަޖިލީހުން އިއްޔެ މި ގާނޫނަށް އިސްލާހު ގެނައުމުގެ ބިލު ފާސް ކުރުމުން އެ ބިލު ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަސްދީގު ކުރެއްވީ ރޭގެ ވަގުތެއްގަ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަސްޓަމްސް ދުންފަތް ކޮންޓްރޯލްކުރުމާއި، ވޭޕް މަނާކުރުން
