ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ”ހުސްވީމަ ހުސްވީ“ ގެ ނަމުގައި ބޮޑު ވެއަރހައުސް ސޭލެއް ފަށައިފި އެވ.
މި ސޭލްގައި ތަފާތު ގިނަ ބްރޭންޑްތަކުގެ ތަކެތި ބޮޑެތި ޑިސްކައުންޓްތަކާއެކު ވިއްކުމަށް ވަނީ ހަމަޖެހިފަ އެވެ.
އެސްޓީއޯގެ ފަރާތުން މަޢުލޫމާތު ދެއްވި ގޮތުގައި، މި ސޭލްގައި ހިޓާޗީ، މަކިޓާ، ނިޕޯން ޕެއިންޓް، ރެމިންގްޓަން އަދި ރަސްލް ހޮބްސް ފަދަ މަޝްހޫރު ބްރޭންޑްތަކުގެ އުފެއްދުންތައް ހިމެނޭނެ އެވެ. މީގެ އިތުރުން، ބަދިގެ ތެރޭގައި ހިފާ ގެންގުޅޭ ތަފާތު ގިނަ ބާވަތެއްގެ އައިޓަމްތައްވެސް މި ސޭލްގައި ހިމެނޭނެ އެވެ.
އެސްޓީއޯއިން ބުނި ގޮތުގައި، މި ސޭލްގައި ވިއްކާ ތަކެތީގެ އަގުތައް 80 ޕަސެންޓާ ހަމައަށް ޑިސްކައުންޓް ކުރެވިގެންދާނެ އެވެ. މި ސޭލް ބޭއްވުމަށް ހަމަޖެހިފައިވަނީ އެސްޓީއޯ ހެޑް އޮފީސް ގޯތިތެރޭގަ އެވެ.
ސޭލް ކުރިއަށްދާނެ ދުވަސްތަކަކީ މިއަދުން ފެށިގެން 4 ވަނަ ދުވަހުގެ ނިޔަލަށެވެ. ކޮންމެ ދުވަހަކުވެސް ސޭލް ކުރިއަށްދާނީ ހަވީރު 4 ގަޑިން ފެށިގެން ރޭގަނޑު 11 ގަޑިއާ ހަމައަށެވެ. ނަމަވެސް، ހަވީރު 6 ގަޑިން 8 ގަޑިއަށް ސޭލް މެދުކަނޑާލެވޭނެ އެވެ.
އެސްޓީއޯއިން އިތުރަށް ހާމަކުރި ގޮތުގައި، މި ސޭލްގެ ތެރެއިން 500 ރުފިޔާއިން މަތިން ކުރާ ކޮންމެ ވިޔަފާރިއަކަށް ކޫޕަނެއް ދިނުމަށް ވަނީ ހަމަޖެހިފައެވެ. އަދި ސޭލް ކުރިއަށްދާ ކޮންމެ ރެއަކު ނަސީބުވެރި ފަރާތެއް ހޮވުމުގެ އިތުރުން، ސޭލް ނިމުމުން ނެގޭ ގުރުއަތުން ނަސީބުވެރި އެއް ފަރާތަކަށް ބޮޑު އިނާމެއް ދިނުމަށްވެސް ވަނީ ހަމަޖެހިފަ އެވެ.
