ރާއްޖެއަށް ފިލްމް ޓޫރިޒަމް ތައާރަފް ކުރުމަށް ސަރުކާރުން ކުރަމުންދާ މަސައްކަތުގެ ތެރެއިން އަންނަ އަހަރު ހާއްސަ ހަރަކާތެއް ބޭއްވުމުގެ މަސައްކަތް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) އިން ފަށައިފި އެވެ.
މިކަން ހާމަކުރެއްވީ ކ. ގުރައިދޫ ގެ ފަތުރުވެރިކަމުގެ ބްރޭންޑް އިފްތިތާހުކުރުމަށް ރޭ ބޭއްވި ހާއްސަ ރަމްސިއްޔާތުގައި އެމްއެމްޕީއާރްސީގެ މެނޭޖިން ޑިރެކްޓަރު އިބްރާހީމް ޝިއުރީ އެވެ.
ޝިއުރީ ވިދާޅުވީ ރާއްޖެއަށް އެކި ބާވަތްތަކުގެ ފަތުރުވެރިކަން ތައާރަފްކޮށް ފަތުރުވެރިކަން ސިންދަފާތު ކުރުމަކީ މުހިންމު ކަމެއްކަމަށެވެ. އަދި ވަކި ފަތުރުވެރިކަމަށް ބަރޯސާވެފައި އޮތްއޮތުން ނިމުމަކަށް ގެންނަން ޖެހޭކަމަށްވެސް ޝިއުރީ ވިދާޅުވި އެވެ.
މި ރަސްމިއްޔާތުގައި ވާހަކަދައްކަވަމުން ޝިއުރީ ވިދާޅުވީ އިތުރު ބާވަތްތަކުގެ ފަތުރުވެރިކަން ތައާރަފް ކުރުމަށް މަސައްކަތް ކުރަމުންދާކަން ޝިއުރީ ވަނީ ފާހަގަ ކުރައްވާފަ އެވެ. އެގޮތުން ރާއްޖޭގެ ރީތިކަން އީޗްތިހާރު ކުރުމަށްޓަކައި ފިލްމް ޓޫރިޒަމް ތައާރަފްކުރުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.
ރާއްޖެއަށް ފިލްމް ޓޫރިޒަމް ތައާރަފް ކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި ޓޫރިޒަމް މިނިސްޓަރު އިބްރާހިމް ފައިސަލްވެސް ވަނީ ގިނަ މަޝްވަރާތަކެއް ކުރައްވާފަ އެވެ. އެގޮތުން އެ ދެ ބޭފުޅުންވެސް ވަނީ އިންޑިއާގައި ފިލްމީ ދާއިރާގެ މީހުންނާ ބައްދަލު ކުރައްވާފަ އެވެ.
މީގެ އިތުރުން ރާއްޖެއަށް ސްޕޯޓްސް ޓުރިޒަމް ތައާރަފް ކުރުމަށްޓަކައި ކުޅިވަރާ ބެހޭ އެނުއަލް އިވެންޓްތައް ބޭއްވިއްޖެނަމަ ރާއްޖެއަށް ޒިޔާރަތް ކުރާ ފަތުރުވެރިންގެ އަދަދު އިތުރުވާނެކަމަށްވެސް ޝިއުރީ ވިދާޅުވި އެވެ.
ރާއްޖޭގެ ފަތުރުވެރިކަން ޕްރޮމޯޓްކޮށް ރާއްޖެ މާކެޓު ކުރުމަށް އެމްއެމްޕީއާރްސީން އަންނަނީ ގިނަ މަސައްކަތްތަކެއް ކުރަމުންނެވެ. އަންނަ އަހަރަކީ އެމްއެމްޕީއާރްސީން މީގެ ކުރިން ރާއްޖެ ޕްރޮމޯޓް ނުކުރާ ވަރަށް ޕްރޮމޯޓް ކުރާނެ އަހަރެއްކަމަށް ޓޫރިޒަމް މިނިސްޓަރު އިބްރާހިމް ފައިސަލް ވަނީ ވިދާޅުވެފަ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) ޓުއަރިޒަމް މިނިސްޓަރު އިބްރާހީމް ފައިސަލް
