އުރީދޫ މޯލްޑިވްސްއިން އިންތިޒާމުކޮށްގެން ކޮންމެ އަހަރަކު ބާއްވަމުންދާ ”އުރީދޫ ފަން ރަން“ މިއަހަރު ހުޅުމާލޭގައި ބޭއްވުމަށް ހަމަޖެހިފައިވާކަން އެ ކުންފުނިން އިއުލާނުކޮށްފި އެވެ.

މި ހަރަކާތް އޮންނާނީ އަންނަ ޑިސެމްބަރު މަހުގެ 20 ވަނަ ދުވަހު އެވެ.

އުރީދޫއިން ބުނެފައިވަނީ މިހާރު މި ހަރަކާތުގައި ބައިވެރިވުމަށް ރަޖިސްޓްރޭޝަން ހުޅުވާލައިފައިވާ ކަމަށެވެ. ބައިވެރިވާން ބޭނުންވާ ފަރާތްތަކަށް އުރީދޫގެ ވެބްސައިޓް މެދުވެރިކޮށް ރަޖިސްޓަރ ކުރެވޭނެ އެވެ.

އުރީދޫ ފަން ރަން އަކީ އާންމުންގެ މެދުގައި ވަރަށް މަޤުބޫލު ހަރަކާތެއްކަން ފާހަގަކޮށްފައިވެ އެވެ. މިގޮތުން މިދިޔަ އަހަރު ހުޅުމާލޭގައި ބޭއްވުނު ފަން ރަންގައި 5000 އަށްވުރެ ގިނަ މީހުން ބައިވެރިވިކަމަށް އުރީދޫއިން ބުނެފައިވެ އެވެ.

އުރީދޫއިން އިތުރަށް ބުނެފައިވަނީ މިއީ އާއިލާއާއެކު މަޖާކޮށްލުމަށް ލިބޭ ރަނގަޅު ފުރުސަތެއް ކަމަށެވެ. އެހެންކަމުން، ބައިވެރިންގެ ދުވުމުގެ ވަގުތު ބަލާ ރެކޯޑުކުރުމަށް ހަމަޖެހިފައިނުވާ ކަމަށްވެސް ބުނެފައިވެއެވެ.

މި ހަރަކާތުގައި ބައިވެރިވާ ފަރާތްތަކަށް 5 ކިލޯމީޓަރުގެ ދުރުމިނަށް ދުވަން ޖެހޭނެ އެވެ. ކޮންމެ ކިލޯމީޓަރެއްގައި ފޯމް، ފެން، އަދި އެހެނިހެން ހުރަސްތަކާ ކުރިމަތިލާންޖެހޭނެ ކަމަށް އުރީދޫއިން މަޢުލޫމާތު ދީފައިވެ އެވެ.

ފަން ރަންގައި ބައިވެރިވުމަށް ދެ ބާވަތެއްގެ ކިޓް ވިއްކަން ހަމަޖެހިފައިވެއެވެ. 100 ރުފިޔާއަށް ލިބެން ހުންނަ ސްޓޭންޑަޑް ކިޓުގައި ހިމެނެނީ ފަން ރަން ޓީޝާޓަކާއި ވްރިސްޓްބޭންޑެކެވެ. އަދި 210 ރުފިޔާއަށް ލިބެން ހުންނަ ފަން ކިޓުގައި ހިމެނެނީ ޓީޝާޓާއި، ވްރިސްޓްބޭންޑާއި، ފޮތި ދަބަހަކާއި، އައިނަކާއި އަދި މަލްޓިޕާޕަސް ބަންޑާނާއެކެވެ.

އުރީދޫ އުރީދޫ ފަން ރަން