3 އަހަރުގެ އަންހެން ކުއްޖެއްގެ ގައިގައި ސައިކަލަކުން ޖެހި އެކްސިޑެންޓް ވެއްޖެ އެވެ.
ފުލުހުން ބުނީ މި ހާދިސާ ހިނގާފައިވަނީ މަޖީދީ މަގުގައި ހުންނަ ވިލާ މާޓް ކައިރިން ކަމަށެވެ. މި ހާދިސާ ހިނގި ވަގުތު އެ އަންހެން ކުއްޖާ އިނީ ކަފިހި ހުރަހުން މަގު ހުރަސް ކުރާށެވެ. އެ އެކްސިޑެންޓް ހިނގާފައިވަނީ 15:40 އެހާކަށްހާއިރު އެވެ.
މި ހާދިސާގައި އެކުއްޖާ ވެއްޓި ނިއްކުރިމަތި ދުޅަވެފައިވެ އެވެ. ކުއްޖާ ވަނީ އައިޖީއެމްއެޗްއަށް ގެންގޮސްފަ އެވެ. ސައިކަލް ދުއްވި މީހާއަކީ ލައިސެންސް އޮންނަ ދިވެހި ފިރިހެނެއް ކަމަށް ފުލުހުން މައުލޫމާތު ދިނެވެ.
މި މައްސަލަ ފުލުހުން ގެންދަނީ ތަހުގީގު ކުރަމުން ނެވެ.
