ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުޅުމާލެ ޕޮކެޓް ޕާކިން ޒޯންތަކަށް ކުރިމަތިލުމުގެ މުއްދަތު އިތުރުކޮށްފި އެވެ.
އެޗްޑީސީން ފުރަތަމަ އެޕްލިކޭޝަން ހުށަހަޅަނީ ޕާކިން ސްލޮޓް ކުއްޔަށް ދިނުމަށް ސެޕްޓެމްބަރު 17 ވަނަ ދުވަހު އެވެ. މި ސްލޮޓްތައް އެއް އަހަރު ދުވަހުގެ މުއްދަތަށް މި ޕާކިން ޒޯންތަކުން ކުއްޔަށް ދޫކުރާނީ މަހަކު 129.7 ޑޮލަރަށެވެ. އެޕްލިކޭޝަނަށް ހުށަހެޅޭނެ މުއްދަތު އޮކްޓޯބަރު މަހުގެ އެއްވަނަ ދުވަހު ބަންދުކުރަން ނިންމާފައިވީ ނަމަވެސް އެ ކޯޕަރޭޝަނުން މިހާރު ވަނީ އޮކްޓޯބަރު މަހުގެ 10 ވަނަ ދުވަހަށް އެ މުއްދަތު އިތުރުކޮށްފަ އެވެ. އެޗްޑީސީން ވަނީ، ހުޅުމާލޭގައި ހަދާފައިވާ 8 ޕޮކެޓް ޕާކިން ޒޯނަކުން 1،374 ޕާކިން ޖާގަ ކުއްޔަށް ދޫކުރަން ނިންމާފަ އެވެ.
އެޗްޑީސީން ބުނީ ވަޒީފާއަށް އެދޭ ފަރާތްތަކަކީ މަދުވެގެން 18 އަހަރު ފުރިފައިވާ އަދި ގްރޭޓާ މާލެ ސަރަހައްދުގައި ރަޖިސްޓްރީކޮށްފައިވާ ކެޓަގަރީ ބީ1 ނުވަތަ ސީ1 ވެހިކަލެއް އޮންނަ ފަރާތަކަށް ވާން ޖެހޭނެ ކަމަށެވެ. އަދި އެކަމަށް އެދޭ ފަރާތްތަކަކީ އެ ސަރަހައްދުގެ ރައްޔިތުންނަށް ވެސް ވާންޖެހެ އެވެ. ޕާކިން ސްލޮޓަތްއް ދޫކުރުމުގައި ހުޅުމާލޭގައި ރަޖިސްޓްރީކޮށްފައިވާ އުޅަނދުތަކަށް އިސްކަންދެވޭނެ ކަމުގައި އެޗްޑީސީ އިން ބުންޏެވެ. އެއަށްފަހު ހުޅުމާލެ ނުހިމަނައި މާލެ ސަރަހައްދުގައި ރަޖިސްޓްރީކޮށްފައިވާ އުޅަނދުތަކަށް ޕާކިން ސްލޮޓް ދޫކުރެވޭނެ އެވެ.
އިސްކަންދޭ ކަންތައްތަކުގެ ތެރޭގައި ޕާކިން ސަރަަހައްދާއި އެއް ޒޯނެއްގައި ދިރިއުޅޭ ހުޅުމާލެ ރައްޔިތުންނާއި، ހުޅުމާލޭގެ އެހެން ރައްޔިތުންނާއި، މާލެ ސަރަހައްދުގައި ދިރިއުޅޭ ރައްޔިތަކަށް ވުން ހިމެނެ އެވެ.
ޕާކިން ސްލޮޓްތައް ކުއްޔަށް ދޫކުރާ ފަރާތްތައް ހޮވާނީ ކޮންމެ ޒޯނެއްގައި ވެސް ކުރިމަތިލާ ފަރާތްތަކުގެ މެދުގައި ބާއްވާ ލަކީ ޑްރޯ މެދުވެރިކޮށެވެ. އަދި ރަސްމީ މަސައްކަތު ދުވަސްތަކުގައި އެޗްޑީސީގެ ރިސެޕްޝަން ޑެސްކަށް ފޯމު ހުށަހެޅޭނެ ކަމަށް އެކުންފުނިން ބުނެފައި ވެއެވެ.
