އޮންލައިން ވިޔަފާރިތަކުގައި ޕޭޕަލް ބޭނުން ކުރުމާ ގުޅޭ ގޮތުން ރާއްޖެއިން ޕޭޕަލްއާއެކު މަޝްވަރާކޮށްފި އެވެ.
އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ޕޭޕަލް މެދުވެރިކޮށް ފައިސާ ލިބުމުގެ ދަތިކަމުން އަރައިގަނެ ރާއްޖޭގެ އޮންލައިން ވިޔަފާރިތަކަށް އެހީތެރިވުމަށް ޕޭޕަލްގެ ޕްރެޒިޑެންޓް ފޯ ގްލޯބަލް މާކެޓިން އާއި ގުޅިގެން މުހިންމު މަޝްވަރާ ކޮށްފައިވާ ކަމަށެވެ.
މިއީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވަރަށް މުހިންމު ވައުދުފުޅެކެވެ.
މިނިސްޓަރު ސައީދު ވިދާޅުވީ ރައީސް މުއިއްޒު ތަސައްވަރު ކުރެއްވި ގޮތަށް މި މަގުސަދު ހާސިލް ކުރުމަށް އެ މިނިސްޓްރީން ވަރަށް ބޮޑު އަހަންމިއްޔަތުކަމެއް ދޭ ކަމަށެވެ.
މީގެ ކުރިންވެސް މިނިސްޓަރު ސައީދު ވަނީ ރާއްޖޭގައި އުފެދިފައިވާ ކްރިއޭޓަރުންނާއި ޑިޖިޓަލް އީ-ކޮމާސް ވިޔަފާރިތަކަށް ދިމާވެފައިވާ ގޮންޖެހުންތަކަށް ހައްލު ހޯދުމާ ގުޅޭގޮތުން ވާހަކަދައްކަވާފަ އެވެ. އެގޮތުން ރައީސް ޑރ. މުހައްމަދު މުއިއްޒުގެ އިރުޝާދުގެ މަތިން ޕޭޕަލްގެ ހިދުމަތް ރާއްޖެއަށް ގެނައުމަށް ސްޓޭކްހޯލްޑަރުންނާ ގުޅިގެން މިހާރު އެމެރިކާ (އެމެރިކާ) ސަރުކާރުގެ އެހީތެރިކަން ހޯއްދަވަމުން ގެންދަވާ ކަން ސައީދު ފާހަގަކުރެއްވި އެވެ.
މީގެ އިތުރުން މިނިސްޓަރު ސައީދު ވަނީ ރާއްޖޭގައި ގިނަ އަދަދެއްގެ ކޮންޓެންޓް ޕްރޮޑިއުސަރުން ތިބުމާއި އެކި ސޯޝަލް މީޑިއާ ޕްލެޓްފޯމްތަކުން އާމްދަނީ ހޯދުމުގެ ފުރުސަތު އޮތްކަން ފާހަގަކުރައްވާފަ އެވެ. އަދި މިހާރުގެ ނިޒާމުގައި ފައިސާ ދެއްކުމަށް ފަސޭހަ ގޮތްތަކެއް ނެތުމުން ކޮންޓެންޓް ފައިސާ ހޯދުމުގެ ގާބިލްކަމަށް ހުރަސްއެޅޭކަން ވެސް އޭނާ ފާހަގަކުރެއްވި އެވެ.
އިކޮނޮމިކް މިނިސްޓަރު މުހައްމަދު ސައީދު މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް
