ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމުގެ ސްޓްރެޓެޖީތައް ބަޔާންކޮށްފައިވާ ކަރުދާހެއް ވަޒީރުންގެ މަޖިލީހަށް ހުށަހެޅުމަށް ތައްޔާރުވަމުންދާކަން މިނިސްޓަރ އޮފް ޓޫރިޒަމް އިބްރާހިމް ފައިސަލް ހާމަކުރައްވައިފި އެވެ.

މިނިސްޓަރު މިކަން ހާމަކުރެއްވީ ރާއްޖޭގައި ބާއްވާ އެންމެ ބޮޑު ޓްރެވަލް ޓްރޭޑް ފެއާ، ޓްރެވަލް ޓްރޭޑް މޯލްޑިވްސް (ޓީޓީއެމް) އިފްތިތާހު ކުރުމުގެ ރަސްމިއްޔާތުގަ އެވެ. އެއީ އޮގަސްޓް މަހުގެ 21 އިން 22 އަށް ކުރިއަށް ގެންދިއުމަށް ހަމަޖެހިފައިވާ ފެއާ އެކެވެ.

މިރަސްމިއްޔާތުގައި ވާހަކަ ދައްކަވަމުން މިނިސްޓަރު ފައިސަލް ވަނީ ރާއްޖޭގައި ފަތުރުވެރިކަން ކުރިއަރުވަން ފަތުރުވެރިކަމުގެ ދާއިރާއާއި ސަރުކާރާ ދެމެދު އެއްބާރުލުން ދިނުމުގެ މުހިންމުކަން ފާހަގަކުރައްވާފަ އެވެ. މިހާރު ފަތުރުވެރިކަމުގެ އިންފްރާސްޓްރަކްޗަރ ނެތް ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން މިހާރު މަސައްކަތް ކުރަމުންދާކަން އޭނާ ފާހަގަކުރެއްވި އެވެ. އެގޮތުން، ވަޒީރުންގެ މަޖިލީހަށް ހުށަހެޅުމަށް ތަފްސީލީ ކަރުދާހެއް ޑްރާފްޓް ކުރަމުންދާ ކަމަށް އޭނާ ވިދާޅުވި އެވެ. ފަތުރުވެރިކަން އިތުރަށް ފުޅާކުރުމަށް، ތަފާތު ގޮތްތައް ހޯދައިގެން، ފަތުރުވެރިންގެ އަދަދު އިތުރު ކުރުމަށް މަސައްކަތް ކުރަންޖެހޭ ކަމަށްވެސް ފައިސަލް ވިދާޅުވި އެވެ. އަދި ރާއްޖޭގައި ފަތުރުވެރިކަން ނެތް އަތޮޅުތަކަށް ފަތުރުވެރިކަން ގެންދިއުމަށް، އެކަމާބެހޭ ކަރުދާހެއް ކެބިނެޓަށް ހުށަހެޅުމަށް އަންނަނީ ތައްޔާރުވަމުން ކަމަށް މިނިސްޓަރު ހާމަކުރެއްވި އެވެ.

މީގެ އިތުރުން މިނިސްޓަރު ފައިސަލް ވަނީ ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވަމުންދާކަމަށް އަލިއަޅުވާލައްވައި މިހާރު ކުރަމީގެ އިތުރުން މިނިސްޓަރު ފައިސަލް ހާމަކުރެއްވި ގޮތުގައި ކުރިއަށް އޮތް ފަސް އަހަރާއި ވިހި އަހަރު ދުވަހުގެ ތެރޭގައި ފަތުރުވެރިކަން ތަރައްގީ ކުރުމަށް ސަމާލުކަންދީގެން ކެބިނެޓަށް ހުށަހެޅޭނެ ދިގުމުއްދަތުގެ ޕްލޭނެއް ހުށަހެޅުމަށް ހަމަޖެހިފައި ވެއެވެ. އޭނާ ވިދާޅުވީ ރާއްޖޭގެ ދުރު ސަރަހައްދުތަކަށް ފަތުރުވެރިކަން ތައާރަފްކުރެވޭނެ ގޮތާއި ކޮންމެ އަތޮޅަކަށް ފަތުރުވެރިކަން ފުޅާކުރެވޭނެ ގޮތްތައް ޕްލޭންގައި އަލިއަޅުވާލާނެ ކަމަށެވެ. އޭނާ ވިދާޅުވީ އެ ޕްލޭންގައި އެ ސަރަހައްދުތަކަށް ސީދާ ދަތުރުތައް އިތުރުކުރުމުގެ އިންތިޒާމުތައް ހިމަނާފައިވާ ކަމަށެވެ. އަދި މުޅި ރާއްޖެއަށް ފަތުރުވެރިކަން ފުޅާކުރުމުގައި ހުރި ގޮންޖެހުންތައް ފާހަގަކުރައްވައި، މި ހުރަސްތައް ދެނެގަނެ އެ ހުރަސްތަކުން އަރައިގަތުމަށް ސަރުކާރުން ކުރާ މަސައްކަތަށް އަލިއަޅުއްވާލެއްވި އެވެ. ސަރުކާރުން ކުރަ.

ފަތުރުވެރިކަމުން ލިބޭ އާމްދަނީ ދަށަށްދާކަން ފައިސަލް ފާހަގަކުރެއްވި އެވެ. ފަތުރުވެރިކަމުގެ ދާއިރާގައި މަސައްކަތް ކުރާ އެންމެން ގުޅިގެން އާމްދަނީ އިތުރުކުރުމަށް މަސައްކަތް ކުރަންޖެހޭ ކަމަށްވެސް ފައިސަލް ވިދާޅުވެފައި ވެއެވެ. ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކުގެ އެހީތެރިކަމާއެކު މިދާއިރާގައި ހުރި މައްސަލަތައް ހައްލުކުރަންޖެހޭ ކަމަށްވެސް ފައިސަލް ވިދާޅުވި އެވެ.

ކުރީގެ ޓުއަރިޒަމް މިނިސްޓަރު އިބްރާހީމް ފައިސަލް ވަޒީރުންގެ މަޖިލިސް