އިއްޔެ ފާހަގަކުރި އިންޑިއާގެ މިނިވަން ދުވަހުގެ ތަހުނިޔާ ކިޔުއްވަ ރައީސް ޑރ. މުހައްމަދު މުއިއްޒު އެކްސްގައި ކުރެއްވި ޕޯސްޓަށް 1.3 މިލިއަން ވިއުސް ލިބިއްޖެ އެވެ.
ރައީސް މުއިއްޒު ކުރެއްވި އެ ޕޯސްޓުގައި ވަނީ އިންޑިއާގެ ރައީސާ ދުރޫޕަދީ މުރުމޫއާއި، އިންޑިއާގެ ބޮޑުވަޒީރު ނަރެންދުރަ މޯދީ ޓެގް ކުރައްވާފަ އެވެ.
އިންޑިއާގެ މިނިވަން ދުވަހުގެ ތަހުނިޔާތައް ކިޔުއްވާ ރައީސް މުއިއްޒުގެ އެ ޕޯސްޓުގައި ވަނީ ރާއްޖެއާ އިންޑިއާގެ ގުޅުމަކީ ޒަމާންވީ ގާތް ގުޅުމެއްކަން ފާހަގަކުރައްވާފަ އެވެ. އަދި މި ގާތް ރަހުމަތްތެރި ގުޅުމަކީ ރާއްޖޭގެ ތަރައްޤީއާ ފާގަތިކަމަށް އިތުރު ފަހިކަން ގެނެސްދިން ކަމެއްކަން ވެސް އެމަނިކުފާނުގެ ޕޯސްޓުގައި ފާހަގަކުރައްވާފައިވެ އެވެ.
އެމަނިކުފާނުގެ އެ ޕޯސްޓަށް 1.3 މިލިއަން ވިއުސް ވަނީ ލިބިފަ އެވެ.
On the occasion of India’s Independence Day, I extend heartfelt congratulations to President @rashtrapatibhvn, Prime Minister @narendramodi, and the people of 🇮🇳. Our enduring friendship, rooted in history, has evolved to foster prosperity and development in the Maldives and the… pic.twitter.com/HCtYMG0VLa
— Dr Mohamed Muizzu (@MMuizzu) August 15, 2024
ރައީސް މުއިއްޒުގެ އެ ޕޯސްޓާއި ގުޅުވައި، އިންޑިއާގެ ބޮޑު ވަޒީރު ނަރެންދުރަ މޯދީވެސް ވަނީ އެކްސްގައި ޕޯސްޓެއް ކުރައްވާފަ އެވެ. މޯދީ ވިދާޅުވީ އިންޑިއާއިން ދެކެނީ ރާއްޖެއަކީ އެގައުމުގެ އަގުހުރި ރަހުމަތްތެރިއެއްގެ ގޮތުގައި ކަމަށެވެ.
“އަޅުގަނޑުމެންގެ ގައުމުތައް އެކުގައި މަސައްކަތް ކުރަމުން ގެންދާނީ އަޅުގަނޑުމެންގެ ރައްޔިތުންގެ ފައިދާއަށް”
އިންޑިއާގެ ބޮޑު ވަޒީރު އެ ޕޯސްޓަށް ލިބިފައިވަނީ 1 މިލިއަން ވިއުސް އެވެ.
Thank you, President @MMuizzu, for the wishes on our Independence Day. India considers Maldives a valued friend and our nations will keep working together for the benefit of our people. https://t.co/7iF5b21b61
— Narendra Modi (@narendramodi) August 15, 2024
ރާއްޖެއާ އިންޑިއާގެ ގުޅުމަށް ހީނުރުކަން އައުމަށްފަހު، ދެ ޤައުމުގެ ދެމެދުގައި އޮންނަ ގާތް ގުޅުން އަންނަނީ ވަރުގަދަވަމުންނެވެ.
