އިންސާނުންގެ މެދުގައި އޮންނަ ގުޅުމާއި އެއްބައިވަންތަކަމަކީ ސޯޝަލް މީޑިއާގެ ޒަރިއްޔާއިން ވަރަށް ފުޅާ ދާއިރާއަކަށް ކުރިއަރަމުންދާ އެއްކަމެވެ. އައު ރައްޓެހިން ހޯދަން އެދޭނަމަ ފޭސްބުކް، ފޮޓޯތަކާއި މަނޒަރުތައް ދައްކާލަންނަމަ އިންސްޓަގްރާމް، އަދި ފޫހި ފިލުވުމާއި އިތުރު ހަރަކާތްތަކާއި، ހުނަރުތައް ދައްކާލުމަށް ޓިކްޓޮކް ބޭނުން ކުރެ އެވެ. އާމުންގެ ތެރޭގައި އެންމެ މަގުބޫލު އެޕް އަކަށް ވެފައިވަނީ ޓިކްޓޮކް އެވެ. ދިވެހިންގެ މެދުގައިވެސް އެންމެ ނަން ހިނގާ އެޕް އެވެ. ނަމަވެސް ފަހަކުން އައިސް ފެނިގެން ދަނީ ޓިކްޓޮކް އެޕްގެ ބޭނުން ނުރަނގަޅުގޮތުގައި ބޭނުންކުރާ މަންޒަރެވެ.
30 ޖުލައި 2024 ގައި ހިނގާދިޔަ މައްސަލާގައި ތަފްސީލައް ބަލާލާނަމަ އިނގިގެން ދިޔައީ ޓިކްޓޮކް ލައިވް ޖައްސައިގެން 3 އަންހެން ކުދިންވެގެން އެހެން އަންހެން ކުއްޖަކަށް ބުލީ ކުރި މަނޒަރެވެ. މިކަން ހިނގާފައިވަނީ ހުޅުމާލެ ފޭސް 2 އެޗް 6 ކައިރީގައެވެ.
ސޯޝަލް މީޑިއާގައި މިހާރު ދައުރުވަމުންދާ ވީޑިއޯތަކުން ދައްކައި ގޮތުގައި ބުލީކުރި ކުދިންގެ ތެރެއިން އެއްކުޖެއްގެ މަންމަވެސް ވަނި މިކަމުގައި ބައިވެރިވެފައި އެވެ. ދުރުގަހުރެގެން ބުލީކުރުމައް އެއްބާރުލަމުން ދިޔަކަން ވީޑިއޯތަކުން އިނގިގެން ދިޔަ އެވެ. މި ހުރިހާކަމެއް ފެށިގެން ދިޔައީ ކުރެވުނު ކޮމެންޓެއްގެ ސަބަބުންނެވެ. ކުއްޖާއަށް އަނިޔާކޮށް ހަޑިހުތުރުބަހުން މުއާމަލާތުކޮއްފައި ހުރި ސްކްރީން ރެކޯޑިންގްސްތައް މިހާރުދަނީ ސޯޝަލް މީޑިއާތަކުގައި ފެތުރެމުންނެވެ.
މިއީ އަދި އެއް މައްސަލަ އެވެ. ޓިކްޓޮކް މެދުވެރިކޮށް ހަޑިހުތުރުބަހުން ޒުވާބުކުރުމާއި މީހުންގެ އެކި ޒާތުގެ ވީޑިއޯ ހަދައިގެން ބުލީކުރުމާއި ފިރިހެނުން އަންހެންކޮށް ހެދުން އަޅާ މޭކަޕްކޮށް އުޅޭ ވީޑިއޯތައްވެސް މަދެއް ނޫނެވެ. މިކަމުން މީހުންނަށް ވާ ގެއްލުން ދެނެނުގަންނަނީ ތޯ؟ މުޖްތަމައުގަ ފަސާދަ އުފެދި ހަލަބޮލިކަން އިތުރުވެ މީހުންގެ ދިރިއުޅުމަށް ހީނަރުކަން ގެންނަން ޓިކްޓޮކް މިވަނީ މެދުވެރިއަކަށެވެ.
