ރަށްރަށުގެ ކައުންސިލަރުންގެ އަދަދު އަދިވެސް މަދު ކަމަށް ލޯކަލް ގަވަމަންޓް އޮތޯރިޓީއިން ބުނެފި އެވެ.
އެލްޖީއޭއިން މިގޮތަށް ބުނީ އިއްޔެ ރައްޔިތުންގެ މަޖިލީހުގެ ލާމަރުކަޒީ ކޮމެޓީއިން ބޭއްވި ބައްދަލުވުމުގައި ވާހަކަދައްކަވަމުން ނެވެ.
ކައުންސިލަރުންގެ އަދަދު އިތުރުކޮށްފިނަމަ މިހާރު އޮތް މުސާރައިގެ އޮނިގަނޑާ އެކު ކުރިއަށް ގެންދިއުމަށް ލަފާ ނުދޭނެ ކަމަށް ލޯކަލް ގަވަނަންސް އޮތޯރިޓީ (އެލްޖީއޭ) އިން ބުނެފައި ވެއެވެ.
ލާމަރުކަޒީ ކޮމިޓީގައި ކައުންސިލަރުންގެ އަދަދު މަދުކުރުމަށް ރާވާފައިވާ ކަންކަމާ ގުޅޭ ގޮތުން ބިލެއްދޫ ދާއިރާގެ މެންބަރު ކުރެއްވި ސުވާލަކަށް ފަހު ވާހަކަ ދައްކަވަމުން އެލްޖީއޭގެ ޑިރެކްޓަރު ޖެނެރަލް އާދަމް ޝަރީފް ވިދާޅުވީ ލޯކަލް ގަވަނަންސްގެ މާނައަކީ ރަށެއް ނުވަތަ އަތޮޅެއްގެ ޕާޓިސިޕޭޓަ ގަވަނަންސް ކަމަށެވެ.
އެލްޖީއޭއިން ފާހަގަކުރި ގޮތުގައި ލޯކަލް ގަވަނަންސް އަކީ އާންމުންގެ ބައިވެރިވުން މަތީ ފެންވަރެއްގައި ހިމެނޭ ކަމެއް ނަމަވެސް ހަރަދު ބޮޑުކަމުން ކައުންސިލްތަކުގެ ސައިޒު އިތުރުވާ ކަމަށް ގަބޫލު ކުރެވެނީ ގޯސް މޮޑެލްއެއްގެ މައްޗަށް ބިނާކޮށް އެކަން ތަންފީޒު ކުރުމުން ނެވެ. އޭނާ ވިދާޅުވިގޮތުންނަމަ އާބާދީ ބޮޑު ރަށްރަށުގެ ކައުންސިލުތަކަށް އިންތިހާބުކުރެވޭ 5 މެންބަރުންގެ އަދަދަކީ މަދު އަދަދެކެވެ.
އޭނާ އިތުރަށް ވިދާޅުވީ އާންމުންގެ ބައިވެރިވުން އިތުރުކުރުމުން ލޯކަލް ގަވަނަންސް ރަނގަޅުވާނެ ކަމަށާއި މެންބަރުންގެ އަދަދު މަދުކުރުމުން އާންމުންގެ ބައިވެރިވުން ހަނިވާނެ ކަމަށެވެ. ނަމަވެސް މަޝްވަރާ ފުޅާކުރަން ޖެހޭ ކަމަށް އޭނާ ފާހަގަކުރެއްވި އެވެ.
މެންބަރުންގެ އަދަދު އިތުރުކުރުމަށް ފޯމިއުލާތަކެއް ގެނެސްދެވިދާނެ ކަމަށް އާދަމް ޝަރީފް ހިޔާލު ދެއްވި އެވެ. ނަމަވެސް އެންމެންވެސް ކައުންސިލުތަކުގައި ފުލް ޓައިމް ކޮށް މަސައްކަތް ކުރުމުގެ ވިސްނުމަކީ މައްސަލައެއް ކަމަށް އޭނާ ވިދާޅުވި އެވެ.
2011 ވަނަ އަހަރު ޑަބްލިއުޑީސީގެ ފުރަތަމަ އިންތިހާބަށް ތަރުހީބު ދަށްވީމަ އެކަން އެގޮތަށް ވީ އެލްޖީއޭއިން ބޭއްވި އިންތިހާބަކަށްވުމުން ކަމަށް ވަރަށް ގިނަ ސިޔާސީ ބޭފުޅުން ގަބޫލުކުރި ކަމަށް އެލްޖީއޭއިން ބުންޏެވެ.
އެކަމަކު އިލެކްޝަންސް ކޮމިޝަނުން އިންތިހާބު އިންތިޒާމް ކުރި ނަމަވެސް މިހާރު ވެސް ހާލަތު ބަދަލެއްނުވާކަން އޭނާ ފާހަގަކުރެއްވި އެވެ.
އާދަމް ޝަރީފް ވިދާޅުވީ އެލްޖީއޭއިން ހުށަހަޅާފައިވާ ހައްލަކީ ޑަބްލިއުޑީސީ ކައުންސިލްގެ ތެރޭގައި ކޮމިޓީއެއްގެ ގޮތުގައި ބެހެއްޓުމާއި، ކައުންސިލުގައި ވެސް އަންހެނުންނަށް ކޯޓާ ދޫކުރުން ކަމަށެވެ. ނަމަވެސް މަޖިލީހުގެ ނިންމުމަކީ އެލްޖީއޭގެ ލަފާތަކަށް ތާއީދުކުރާ ނިންމުމެއް ނޫނެވެ. އަދި ކޮންމެ ޖަޒީރާއަކަށް ވެސް އޮތޯރިޓީން ހުށަހެޅީ އެއް ކައުންސިލަރެއް ނުވަތަ މޭޔަރެއް ހުންނައިރު ބާކީ ތިބި މީހުންނަކީ ހަމައެކަނި ބައްދަލުވުންތަކުގައި ބައިވެރިވާ ކޮންމެ ދާއިރާއަކުން އިންތިހާބުކުރާ ކައުންސިލަރުންނަށްވުމަށް ކަމަށް ވެސް އޭނާގެ ވާހަކައިގައި ތަފްސީލުކުރައްވާފައި ވެއެވެ.
