ޤައުމީ އެއަރލައިން މޯލްޑިވިއަންއިން ޗުއްޓީގެ މޫސުމާ ދިމާކޮށް މެލޭޝިއާގެ ކުއަލަލަންޕޫރު އަދި ތައިލެންޑުގެ ބެންކޮކަށް ހާއްސަ ދަތުރުތަކެއް ކުރުމަށް ނިންމައިފި އެވެ.
މި ދަތުރުތައް ކުރިއަށް ގެންދިއުމަށް ހަމަޖެހިފައިވަނީ މިއަހަރުގެ ޑިސެމްބަރު މަހާއި އަންނަ އަހަރުގެ ޖެނުއަރީ މަހުގަ އެވެ.
މޯލްޑިވިއަންއިން މި ދަތުރުތަކަށް ހާއްސަ އަގުތަކެއް ހުށަހަޅާފައިވާއިރު، މެލޭޝިއާއަށް ދެކޮޅު ދަތުރުގެ އަގު ހަމަޖެހިފައިވަނީ 355 ޑޮލަރަށެވެ. އަދި ބެންކޮކަށް ދެކޮޅު ދަތުރުގެ އަގު ކަނޑައަޅާފައިވަނީ 399 ޑޮލަރަށެވެ.
✈️ Travel to one of your favorite destinations – Kuala Lumpur, Malaysia – this December school holiday! 🌟
Don’t miss out, special fares are limited.#maldivianaero pic.twitter.com/cLWOOhXfcm
— MaldivianAero (@MaldivianAero) September 7, 2025
މެލޭޝިއާއަށް ކުރާ ދަތުރުތައް ފެށުމަށް ހަމަޖެހިފައިވަނީ ޑިސެމްބަރު 21 ގަ އެވެ. މި ދަތުރުތައް ކުރިއަށް ދާނީ ޖެނުއަރީ 11 އާ ހަމައަށް ކޮންމެ އާދީއްތަ ދުވަހަކު އެވެ. އަދި ބެންކޮކަށް ދަތުރުތައް ކުރިއަށް ގެންދިއުމަށް ހަމަޖެހިފައިވަނީ ޑިސެމްބަރު 23 އިން ފެށިގެން ޖެނުއަރީ 13 އާ ހަމައަށް ކޮންމެ އަންގާރަ ދުވަހަކު އެވެ.
މި ހާއްސަ ދަތުރުތަކުގެ ޓިކެޓް ގަތުމަށް މިހާރު ވަނީ ހުޅުވާލާފަ އެވެ. ޓިކެޓް ގަތުމަށް ޝައުގުވެރިވާ ފަރާތްތަކަށް މޯލްޑިވިއަންގެ ވެބްސައިޓް އަދި މޯބައިލް އެޕްލިކޭޝަން މެދުވެރިކޮށް ޓިކެޓް ބުކްކުރެވޭނެ އެވެ. މީގެއިތުރުން، 24 ގަޑިއިރު ހިދުމަތްދޭ ކޯލް ސެންޓަރުގެ ނަންބަރު 1671 އަށް ގުޅައިގެންވެސް ޓިކެޓް ގަނެވޭނެ އެވެ.
