ލަންކާގައި ކުއްލި ނުރައްކަލުގެ ހާލަތު އިއުލާނު ކޮށްފި، ތޫފާނުގައި މަރުވި މީހުންގެ އަދަދު 132 އަށް އަރައިފި

Advertisement

އެންމެ ފަސް

Advertisement

ތޫފާން ”ޑިޓުވާ“އާ ގުޅިގެން ސްރީލަންކާގައި ކުއްލި ނުރައްކަލުގެ ހާލަތު އިއުލާނު ކޮށްފި އެވެ.

އެ ގައުމުގެ މީޑިއާތަކުން ރިޕޯޓުކޮށްފައިވާގޮތުގައި ސްރީލަންކާގެ ރައީސް އަނޫރާ ކުމާރާ ޑިސަނާޔަކެ މިއަދު ވަނީ އެ ގައުމުގެ ކުއްލި ނުރައްކަލުގެ ހާލަތު އިއުލާނުކޮށްފަ އެވެ.

ކުއްލި ނުރައްކަލުގެ ހާލަތު އިއުލާނުކޮށްފައިވަނީ ތޫފާނުގެ ސަބަބުން މީހުން ސަލާމަތް ކުރުމުގެ އޮޕަރޭޝަންތައް ހިންގުމަށާއި އެހީފޯރުކޮށްދިނުމުގެ އޮޕަރޭޝަންތައް ހިންގުމަށް ކަމަށް ލަންކާގެ މީޑިއާތަކުން ރިޕޯޓުކޮށްފައިވެ އެވެ. އަދި ކުއްލި ނުރައްކަލުގެ ހާލަތު އިއުލާނުކޮށްފައި އޮންނަ މުއްދަތުގައި މީހުން ސަލާމަތްކުރުމާއި ކޮންމެހެން ބޭނުންވާ ކަންކަމަށް ބޭނުންވާ ފަންޑް ހަމަޖެއްސުމުގެ ބާރުވެސް ރައީސް އަށް ލިބިގެންވާނެ ކަމަށް ރިޕޯޓުކޮށްފައިވެ އެވެ.

ލަންކާގެ ކަމާބެހޭ ފަރާތްތަކާ ހަވާލާދީ މީޑިއާތަކުން ރިޕޯޓުކޮށްފައިވާގޮތުގައި ތޫފާނުގައި މަރުވި މީހުންގެ އަދަދު މިހާރު ވަނީ 132 އަށް އަރާފަ އެވެ. އަދި ގެއްލުނު މީހުންގެ އަދަދު 171 އަށް އަރާކަމަށްވެސް ރިޕޯޓުކޮށްފައިވެ އެވެ.

ތޫފާނުގެ ސަބަބުން ލަންކާގައި ފެންބޮޑުވެ، ކޯރުތައް ބަންޑުން ޖަހާލުމާއި ބިންގަނޑު ކަނޑައިގެންދިއުމުގެ ގިނަ ހާދިސާތަކެއް އަންނަނީ ހިނގަމުންނެވެ. އަދި މީހުން ސަލާމަތްކުރުމުގައި ރެސްކިއު ޓީމްތަކުން ހަރަކާތްތެރިވަމުން އަންނަކަށް މީޑިއާތަކުން ރިޕޯޓުކޮށްފައިވެ އެވެ.

މޫސުން ގޯސްވުން ސްރީ ލަންކާގެ ރައީސް އަނޫރާ ކުމާރަ ޑިސަނަޔަކާ ސްރީލަންކާ

Leave a Reply

Your email address will not be published. Required fields are marked *

ހަބަރާއި ގުޅޭ