ވިއްސާރައިގައި ގެއަކަށް ފެންވަދެ ނަޖިސް ލީކު ވެއްޖެ

Advertisement

އެންމެ ފަސް

Advertisement

ރާއްޖެއަށް ކުރަމުންދާ ވިއްސާރައިގައި ގެއަކަށް ފެނަވަދެ ނަޖިސް ލީކުވެގެން ރިޕޯޓުކޮށްފައިވާކަމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެ ފިއެވެ.

އެންޑީއެމްއޭ އިން ޖަވިޔަނި އަށް މައުލޫމާތު ދިން ގޮތުގައި ރާއްޖެއަށް މިހާރު ކުރަމުންދާ ވިއްސާރައިގައި އަތޮޅުތެރޭ އެއްވެސް ރަށަކުން ވިއްސާރައާއި ގުޅިގެން އެއްވެސް ރިޕޯޓެއް ކޮށްފައެއް ނުވެ އެވެ.

”އަތޮޅުތެރޭގެ އެއްވެސް ރަށަކުން އަދި ރިޕޯޓެއް ލިބިފައެއް ނުވޭ. މާލޭގެ ގެއަކަށް ފެން ވަދެ ނަޖިސް ލީކު ވެގެން ރިޕޯޓު ކޮށްފައިވޭ. އެމްޑަބްލިއުއެސްސީ އަށް މި ކޭސް ރިޕޯޓް ކޮށްފައިވޭ“ އެންޑީއެމް އޭ އިން ބުނެފައިވެ އެވެ.

މިއަދު ވެސް މާލެއަށް ކުރި ވިއްސާރައިގައި މާލޭ މަގުތަކުގައި ފެންބޮޑުވަމުންދާތީ ފެން ހިންދުމުގެ މަސައްކަތުގައި އެމްއެންޑީއެފުން ހަރަކާތްތެރިވެފައިވެ އެވެ.

ރާއްޖެއަށް މިހާރު ކުރަމުންދާ ވިއްސާރައިގައި ބޯކޮށް ވާރޭވެހި ގުރުގުރން އެކަށީގެންވާ ކަމަށް ލަފާކޮށް މޫސުމާ ބެހޭ ގައުމީ އިދާރާއިން ވަނީ ރާއްޖޭގެ ބޮޑު ބަޔަކަށް ހުދު ސަމާލުވެސް ނެރެފަ އެވެ. އެ ގޮތުން ކ. އަތޮޅުން ފެށިގެން ގދ. އަތޮޅާއި ހަމައަށް މިއަދުގެ 14:00 އާ ހަމައަށް ހުދު ސަމާލު ނެރެފައިވެ އެވެ.

ހުރިހާ ފަރާތްތަކުން ހާއްސަކޮށް ދަތުރުވެރިން މޫސުމަށް ސަމާލުވެ ރައްކާތެރިކަމުގެ ފިޔަވަޅު އެޅުމަށް އިލްތިމާސް ކޮށްފައިވެ އެވެ.

މޯލްޑިވްސް ނޭޝަނަލް ޑިޒާސްޓާރ މެނޭޖްމެންޓް އޮތޯރިޓީ (އެންޑީއެމްއޭ)

Leave a Reply

Your email address will not be published. Required fields are marked *

ހަބަރާއި ގުޅޭ