އަރަބިއްޔާގެ ކުރީގެ އިމާރާތް ތަޅާލުމުގެ މަސައްކަތް ފަށައިފި

Advertisement

އެންމެ ފަސް

Advertisement

އަލްމަދަރުސަތުލް އަރަބިއްޔަތުލް އިސްލާމިއްޔާ ކުރިން ހިންގި ޢިމާރާތް ތަޅައިލުމުގެ މަސައްކަތް ސިޓީސް މިނިސްޓްރީއިން މިއަދު ފަށައިފި އެވެ.

މި މަސައްކަތަކީ ރައީސް އޮފީހުން މިނިސްޓްރީއާ ޙަވާލުކޮށްގެން ކުރިއަށްގެންދާ މަސައްކަތެކެވެ. މިއަދު ހެނދުނު މިނިސްޓަރ އާދަމް ޝަރީފު ޢުމަރު ވަނީ އެ ސަރަޙައްދަށް ވަޑައިގެން މަސައްކަތް ބައްލަވައިލައްވައިފަ އެވެ.

މި ޢިމާރާތް ތަޅައިލަން ސަރުކާރުން ނިންމީ އެ ޢިމާރާތަކީ މީހުން ބޭނުންކުރުން ރައްކާތެރި ޙާލަތެއްގައި ހުރިތަނެއް ނޫން ކަމަށް ވާތީ އެވެ. މި މަސައްކަތް ކުރިއަށް ގެންދަނީ ސިޓީސް މިނިސްޓްރީގެ ޕަބްލިކް ވަރކްސް ޑިޕާޓްމަންޓުންނެވެ.

ޢަރަބިއްޔާ ސްކޫލް ހިންގި ޢިމާރާތް ތަޅައިލައި އެ ތަނުގައި ޕާކިންގ ޒޯނަކާއި، ޕާކެއް ތަރައްޤީކުރުމުގެ ވިސްނުން ސަރުކާރުން ގެންގުޅުއްވާ ކަމަށް މައްޗަންގޮޅި ރައްޔިތުންނާއެކު ބޭއްވި ބައްދަލުވުމުގައި ރައީސް ޑރ. މުޙައްމަދު މުޢިއްޒު ވަނީ ވިދާޅުވެފަ އެވެ.

މާލޭގައި ބައުވެ، ބޭނުން ނުކުރެވޭ ފަދަ ޙާލަތްތަކުގައި ހުރި، އަދި އެ ފަދަ ތަންތަނުގެ ސަބަބުން ނުރައްކާތެރި ޙާދިޘާއެއް މެދުވެރިވެދާނެ ކަމަށް ފެންނަ ޢިމާރާތްތައް ތަޅައިލުމުގެ މަސައްކަތްތަކުގެ ތެރެއިން 4 ޢިމާރާތެއް ތަޅައިލުމުގެ މަސައްކަތް ވަނީ ސިޓީސް މިނިސްޓްރީއިން މީގެ ކުރިން ނިންމާފަ އެވެ.

އެއީ މއ. ރަބީޢުވިލާއާއި، އޯކިޑް ޕްލާޒާއާއި، ނިއު ޕްލާޒާގެ އިތުރުން ހައުސް ޕްލާޒާ އެވެ. މިނިސްޓްރީއާ ތަޅައިލަން ޙަވާލުކުރެވިފައިވާ ޢިމާރާތްތަކުގެ ތެރޭގައި ހިމެނޭ، ކުރީގެ ކްރިމިނަލް ކޯޓު ހިންގި ޢިމާރާތުގެ މަސައްކަތް ވެސް ކައިރި ތާރީޚެއްގައި ފެށޭނެ ކަމަށް ލަފާ ކުރެވޭ ކަމަށް މިނިސްޓްރީއިން ބުނެފައިވެ އެވެ.

މިނިސްޓަރު އާދަމް ޝަރީފް އުމަރު މިނިސްޓްރީ އޮފް ސިޓީސް، ލޯކަލް ގަވަރންމަންޓް އެންޑް ޕަބްލިކް ވާރކްސް

Leave a Reply

Your email address will not be published. Required fields are marked *

ހަބަރާއި ގުޅޭ