މޯލްޑިވިއަންގެ ވައިޑް-ބޮޑީ މަތިންދާ ބޯޓުގައި މިހާތަނަށް 140 ދަތުރުކޮށްފި

Advertisement

އެންމެ ފަސް

Advertisement

މޯލްޑިވިއަންގެ ވައިޑް-ބޮޑީ މަތިންދާ ބޯޓުގައި މިހާތަނަށް 140 ދަތުރުކޮށް، 46،000 ފަސިންޖަރުން އުފުލާފައިވާ ކަމަށް އައިލެންޑް އޭވިއޭޝަނުން ބުނެފި އެވެ.

މޯލްޑިވިއަން ހިންގާ، އައިލެންޑް އޭވިއޭޝަަނުން ހާމަކުރި ގޮތުގައި، މި 140 ދަތުރުގެ ތެރެއިން އެންމެ ގިނަ ދަތުރުތައް ކޮށްފައިވަނީ ޗައިނާއަށެވެ. ޗައިނާގެ ތިން މަންޒިލަކަށް ޖުމްލަ 117 ދަތުރު ވަނީ ކޮށްފަ އެވެ. މީގެ އިތުރުން ސައުދީ އަރަބިއްޔާއަށް 14 ދަތުރު އަދި އިންޑިއާއަށް 9 ދަތުރު ވަނީ ކޮށްފަ އެވެ.

މި ވައިޑް-ބޮޑީ ބޯޓުގެ ދަތުރުތައް ފެށިފައިވަނީ މިދިޔަ ޖަނަވަރީ މަހުގެ 22 ވަނަ ދުވަހު ޗައިނާގެ ޗެންޑޫ އަށެވެ.

ފަސިންޖަރުން އުފުލުމުގެ އިތުރުން، މޯލްޑިވިއަންގެ ވައިޑް-ބޮޑީ ބޯޓުގައި މުދާ އުފުލުމުގެ ޚިދުމަތްވެސް ދަނީ ދެމުންނެވެ. މޯލްޑިވިއަންއިން ބުނެފައިވާ ގޮތުގައި މިހާތަނަށް 1،159،000 ޓަނުގެ ކާގޯ މި ބޯޓުގައި އެކި މަންޒިލްތަކަށް ވަނީ އުފުލާފަ އެވެ.

މޯލްޑިވިއަންގެ ޚިދުމަތަށް ފުރަތަމަ ފަހަރަށް ގެނައި ވައިޑް-ބޮޑީ މަތިންދާ ބޯޓަކީ 264 މީހުންގެ ޖާގައިގެ އެއަރބަސް އޭ330 ގެ 200 ވޭރިއަންޓްގެ ބޯޓެކެވެ.

އައިލެންޑް އޭވިއޭޝަނުން އިން ބުނެފައިވަނީ، އަންނަ އަހަރުގެ ތެރޭގައި އިތުރު ވައިޑް-ބޮޑީ މަތިންދާ ބޯޓެއް ގެނެސް، އިތުރު މަންޒިލްތަކަށް ޚިދުމަތްތައް ފުޅާކުރުމަށް ތައްޔާރުވަމުންދާ ކަމަށެވެ.

އައިލެންޑް އޭވިއޭޝަން ސާވިސަސް (އައިއޭއެސް) މޯލްޑިވިއަން

Leave a Reply

Your email address will not be published. Required fields are marked *

ހަބަރާއި ގުޅޭ