ތައިލެންޑާއި ކެމްބޯޑިޔާއާ ދެމެދު ހިންގަމުންދާ ހަމަނުޖެހުންތަކުގައި މިއަދު ކެމްބޯޑިޔާއިން ތައިލެންޑަށް ވަރުގަދަ ރޮކެޓް ހަމަލާތަކެއް ދީފި އެވެ.
ދެގައުމުގެ އިމުގެ މައްސަލައިގައި ހަމަނުޖެހުންބޮޑުވެފައިވާއިރު، މިފަހުގެ ހަަމަނުޖެހުން ފެށުނީ އިއްޔެ އެވެ. އިއްޔެވެސް ދެ ގައުމުގެ އަސްކަރިއްޔާއިން ވަރުގަދަ ހަމަލާތަކެއް ބަދަލުކޮށްފައިވާއިރު، މިއަދުވެސް ވަނީ ހަމަލާތައް ބަދަލުކޮށްފަ އެވެ.
ބޭރު މީޑިއާތަކުން ރިޕޯޓު ކޮށްފައިވާގޮތުގައި މި ހަމަލާތަކުގައި މިހާތަނަށް 15 މީހަކު މަރުވެފައިވާއިރު، މަރުވި މީހުންގެ ތެރެއިން ގިނައީ އާއްމުންނެވެ.
މި ހަމަލާތަކާއި ގުޅިގެން ތައިލެންޑްގެ ފޮރިން މިނިސްޓްރީން ބުނެފައިވަނީ، މި ހަމަލާތަކަށް ހައްލެއް ހޯދުމަށް ކެމްބޯޑިޔާއާއެކު މަސައްކަތް ކުރަމުންދާ ކަމަަށެވެ.
ތައިލެންޑްގެ އެކްޓިން ޕްރައިމް މިނިސްޓަރު މި ހާމަލާތަކާ ގުޅޭގޮތުން ވިދާޅުވީ، މިކަން ހައްލު ހައްލުނުވެއްޖެނަމަ ދެގައުމުގެ ދެމެދުގައި ވަރުގަދަ ހަނގުރާމައެއް ފެށިދާނެ ކަމަށެވެ.
މި ދެ ގައުމުގެ ބޯޑަރުގެ މައްސަލައަކީ ޒަމާންވީ ކޯޅުމެކެވެ. އެގޮތުން މިދިޔަ މޭ މަހުގެވެސް ދެ ގައުމުގެ އަސްކަރިއްޔާގެ މެދުގައި ހަމަލާތަކެއް ބަދަލުކޮށްފައިވެ އެވެ. މޭ މަހުގެ ހަމަލާތަކުގައި ކެމްބޯޑިޔާގެ ސިފައިންގެ މީހަކުވެސް މަރުވެފައިވެ އެވެ.
