ތައިލެންޑަށް ދަތުރުކުރާނަމަ ދިވެހިންވެސް ޑިޖިޓަލް އެރައިވަލް ކާޑު ފުރިހަމަކުރަންޖެހޭނެ

Advertisement

އެންމެ ފަސް

Advertisement

ތައިލެންޑްގެ އިމިގްރޭޝަން އުސޫލުތަކަށް ބަދަލުތަކެއް ގެނެސް، މިއަދުން ފެށިގެން އެ ގައުމަށް ދަތުރުކުރާ ހުރިހާ ފަރާތްތަކުން ”ތައިލެންޑް ޑިޖިޓަލް އެރައިވަލް ކާޑު“ (ޓީޑީއޭސީ) ފުރިހަމަކުރަން ޖެހޭ ގޮތަށް ހަމަޖައްސައިފި އެވެ.

މިކަމާ ގުޅޭ ގޮތުން މިނިސްޓްރީ އޮފް ފޮރިން އެފެއާޒުން ނެރުނު ނޫސްބަޔާނުގައި ބުނެފައިވަނީ، މި އޮންލައިން ފޯމު ފުރުމަށް ވަކި ލިންކެއް ދީފައިވާ ކަމަށެވެ. އަދި ދަތުރު ފެށުމުގެ ތިން ދުވަހުގެ ކުރިން މި ފޯމު ފުރިހަމަކުރަންޖެހޭނެ ކަމަށާއި، ތައިލެންޑަށް އެތެރެވުމުގެ ކުރިން މި ކާޑު ފުރިހަމަކުރުން މަޖުބޫރު ކަމަށް ބަޔާނުގައި ފާހަގަކޮށްފައިވެ އެވެ.

މި އައު ބަދަލާ އެކުވެސް، ރާއްޖެއާއި ތައިލެންޑާ ދެމެދު މިހާރު ހަމަޖެހިފައިވާ ވިސާގެ އިންތިޒާމުތަކަށް އެއްވެސް ބަދަލެއް ނާންނާނެ ކަމަށް މިނިސްޓްރީން ކަށަވަރުކޮށްދީފައިވެ އެވެ. އެހެންކަމުން، ކުރިއެކޭ އެއްފަދައިން ދިވެހިންނަށް 90 ދުވަހުގެ ”އެންޓްރީ ވިސާ“ ގައި ތައިލެންޑަށް ދަތުރުކުރެވޭނެ އެވެ.

ފޮރިން މިނިސްޓްރީން އިލްތިމާސްކޮށްފައިވަނީ ތައިލެންޑަށް ދަތުރުކުރާ އެންމެހާ ފަރާތްތަކުން، ރާއްޖެއިން ފުރުމުގެ ކުރިން ތައިލެންޑް ޑިޖިޓަލް އެރައިވަލް ކާޑު އޮންލައިންކޮށް ފުރިހަމަކުރުމަށެވެ.

ތައިލެންޑްއަކީ، ވިޔަފާރިއާ ޗުއްޓީ ހޭދަކޮށްލުމަށް ގިނަ އަދަދެއްގެ ރައްޔިތުން ކޮންމެ ދުވަހަކުވެސް ދަތުރުކުރާ ޤައުމެކެވެ.

ރާއްޖެ - ތައިލެންޑް މިނިސްޓްރީ އޮފް ފޮރިން އެފެއާޒް

Leave a Reply

Your email address will not be published. Required fields are marked *

ހަބަރާއި ގުޅޭ