ހުޅުމާލޭގައި ފުލުހުން ކުރިއަށްގެންދިޔަ އޮޕަރޭޝަނެއްގެ ތެރެއިން ގިނަ އަދަދެއްގެ ބަނގުރާ ފުޅިތަކެއް އަތުލައިގަނެފި އެވެ.
ފުލުހުން ބުނެފައިވަނީ، މިރޭ ކުރިއަށްގެންދިޔަ އޮޕަރޭޝަނެއްގައި ވެހިކަލެއް ހުއްޓުވައި ބަލައިފާސްކޮށްފައިވާ ކަމަށެވެ.
މި ވެހިކަލް ބަލާފާސްކުރުމުގެ ތެރެެއިން ބަނގުރާކަމަށް ބެލޭ 54 ފުޅި ފެނިފައިވާ ކަމަށް މައުލޫމާތުދީފައިވެ އެވެ.
މި މައްސަލައިގައި ބަލާފާސްކުރި ވެހިކަލް ޓޯ ކޮށްފައިވާ ކަމަށް ފުލުހުން ބުނެފައިވެ އެވެ. އަދި މި މައްސަލައާ ގުޅިގެން ސްރީލަންކާއަށް ނިސްބަތްވާ ދެ މީހަކު ފުލުހުންގެ ހައްޔަރަށް ގެންގޮސްފައިވެ އެވެ.
