ތައިލެންޑްގައި ހުންނަ ދިވެހި ސަފީރުކަމުގެ މަޤާމަށް އައްޔަންކުރެއްވި، އިލެކްޝަންސް ކޮމިޝަންގެ ކުރީގެ ރައީސް ފުއާދު ތައުފީޤް ސަފީރުކަމާއި ރަސްމީކޮށް ހަވާލުވެވަޑައިގެންނެވުމަށް އެ ޤައުމަށް ވަޑައިގެންފި އެވެ.

ތައިލެންޑަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމަށް، ފުއާދު އައްޔަންކުރެއްވީ މިދިޔަ މަހުގެ 16 ވަނަ ދުވަހު އެވެ.

ސަފީރުކަމުގެ މަސްއޫލިއްޔަތާ ރަސްމީކޮށް ހަވާލުވެވަޑައިގެންނެވުމަށް ދުއާދު، ތައިލެންޑަށް ވަޑައިގެންނެވުމުން އެއާޕޯޓުން ފުއާދުގެ ދެ ކަނބަލުންނަށް މަރުހަބާ ދެންނެވީ ތައިލެންޑްގައި ހުންނަ ދިވެހި އެމްބަސީގެ ޑެޕިއުޓީ އެމްބެސަޑަރ އެވެ. ރަސްމީކޮށް މަސައްކަތްތަކާއި ހަވާލުވެވަޑައިގެންނެވޭނީ، ސަފީރުކަމުގެ ލިޔުން އެ ޤައުމުގެ ރަސްގެފާނުގެ އަތްޕުޅަށް އެރުވޭ ހިސާބުންނެވެ.

ފުއާދުއަކީ ދިވެހި ދައުލަތަށް ގިނަ ހިދުމަތްތަކެއް ކޮށްދެއްވާފައިވާ ބޭފުޅެކެވެ. އެގޮތުން ފުއާދު އެންމެ ގިނަ ދުވަހު މަސައްކަތްކުރެއްވީ އިލެކްޝަންސް ކޮމިޝަންގެ ރައީސްގެ މަޤާމުގަ އެވެ. ފުއާދުގެ އިލެކްޝަންސް ކޮމިޝަންގެ ރައީސްކަމުގެ ދައުރު ހަމަވީ ނިމުނު ނޮވެމްބަރު މަހުގެ 24 ވަނަ ދުވަހު އެވެ.

ރާއްޖެ - ތައިލެންޑް މިނިސްޓްރީ އޮފް ފޮރިން އެފެއާޒް ފުއާދު ތައުފީޤް